Dieqo Maradonanın 1986-cı ildə keçirilən dünya çempionatının 1/4 finalında İngiltərə ilə oyunda (2:1) geydiyi forma hərraca çıxarılacaq.

Məlumatı CNN telekanalı yayıb. Argentina yığmasının əfsanəvi hücumçusu həmin oyunda dubl etməklə komandasını yarımfinala çıxarmışdı. Onun qollardan birini əli ilə vurması futbolla az-çox maraqlanan hər kəsə məlumdu. 

Xatırladaq ki, Dieqoya matçdan sonra “Tanrının əli” ləqəbi verilmişdi. Forma son 35 ildə İngiltərə millisinin keçmiş yarımmüdafiəçisi Stiv Hodca məxsus olub. Onu matçdan sonra Maradona ilə formasını dəyişməklə əldə edib. İndi futbolkaya 5,25 milyon dollar qiymət qoyulub. Onlayn hərraclar mayın 20-dən iyunun 4-dək keçiriləcək.

Xatrladaq ki, Argentina yığması Meksikada keçirilən dünya çempionatının qalibi olub. Maradona isə turnirin ən yaxşı oyunçusu seçilib. O, 2020-ci il noyabrın 25-də 60 yaşında ürəktutmasından vəfat edib.