Fabreqas: “Mənim üçün pul əsas deyil”
Fransesk Fabreqas bu yay verdiyi qərarla çoxlarını təəccübləndirib.
"Football-plus.az" xəbər verir ki, vaxtilə “Arsenal”, “Barselona”, “Çelsi” kimi böyük klublarda oynamış futbolçu “Monako”dan ayrılandan sonra İtaliya çempionatının B seriyasında çıxış edən “Komo”nun təklifini qəbul etdi. 35 yaşlı ispan yarımmüdafiəçi seçimini belə izah edib: “Mən “Komo”ya mümkün qədər əla oynamaq və daha çox oyunda qalib gəlmək üçün keçmişəm. Bunlar mənim üçün prioritet məsələlərdi. Bunlara qadir olmadığımı hiss etsəydim, bu yay butslarımı mismardan asardım. “Komo”nu layiq olduğu liqaya – A seriyasına çıxarmaq istəyirəm. Mənim üçün pul əsas deyil, bu klubun uğurlu gələcəyini görürəm. Bu klub karyeramın ən vacib çağırışlarından biridi”.
Digər xəbərlər
