Luis Suares ilə Fransesk Fabreqas “Barselona”nın düşərgəsindədilər.
“Marka” qəzetinin xəbərinə görə, hazırda işsiz olan futbolçular optimal formalarını qorumaq üçün sabiq klubunun bazasında məşq edirlər. Onlara klub tapana qədər “göy-qırmızılar”la məşq etməyə icazə verilib.
35 yaşlı Suares “Barselona”da 2014-20-ci illərdə çıxış edib. “Atletiko” ilə müqaviləsi qüvvədən düşən uruqvaylı hücumçu Avropanın aparıcı liqalarından birində oynamaq istəyir. 35 yaşlı Fabreqas isə “Barselona”nın yetirməsidi. O, 16 yaşında komandadan ayrılaraq “Arsenal”a yollanıb və 2011-ci ildə “Barselona”ya qayıdıb. Yarımmüdafiəçi 2014-cü ildə “Çelsi”yə, 5 ildən sonra isə sonuncu klubu olan “Monako”ya keçib.