"Mingəçevir"in İdarə Heyətinin sədri Nurlan Əhmədovun "football-plus.az"a müsahibəsi...

- "Difai Ağsu" ilə oyunda çətin qələbə qazandız. Komandanız 1:0 hesabı ilə qalib gəldi. Görüş haqda nə deyə bilərsiz?
- Qələbə qazanmaq üçün meydana çıxmışdıq. Ağsuya qalib gəlmək üçün səfər etmişdik. Çempionatda bütün komandalar güclüdü. Meydan düzdü. Burda güclü-zəif söhbəti yoxdu. Hər halda "Difai Ağsu"nu məğlub etmək istəyirdik. Bizim çempionatda böyük hədəfimiz yoxdu. Amma məqsədlərimizə çatmaq üçün müəyyən oyunlarda qələbə qazanmalıyıq. İnşallah, növbəti görüşlərə də yaxşı hazırlaşaraq qalib gəlmək istəyirik. İndi premyer-liqa üçün mübarizə aparmırıq. Amma gələcəkdə bunu edə bilmək üçün yaxşı komanda formalaşdırmalıyıq.

- Belə başa düşdüm ki, bu mövsüm çempionluğa oymamırsız. Bəs komandanın qarşısına qoyulan hədəf nədi?
- Hər klubun özünün strategiyası var. Komandamız tam formalaşmayıb. Ötən mövsümdən 1-ci liqada çıxış edirik. Bu il daha yaxşı komanda formalaşdırmışıq. Hər mövsüm daha da güclənirik. Əlbəttə ki, general olmaq istəməyən əsgər əsgər deyil. Biz də çalışırıq çempion olaq. Amma əsas hədəfimiz ilk "4-lük"də yer almaqdı. Amma yaxın illərdə premyer-liqada Mingəçeviri təmsil edə biləcək komanda formalaşdıracağıq.

- Günü-gündən komandanın problemləri həll olunur. Avtobusunuz Aran-Mingəçevir Regional Gənclər və İdman İdarəsi tərəfindən təmin olunub. Bunun üçün quruma siz müraciət etmişdiz?
- Bəli. Klub rəhbərliyinin təşəbbüsü ilə Gənclər və İdman Nazirliyinə müraciət etdik. Onlar da bu istəyimizi qəbul etdi. Hər şeyi şəhərimizin idmanı üçün edirik. Avtobusdan rahat şəkildə istifadə edə bilərik. Bizi nəqliyyat vasitəsi ilə təmin etdiklərinə görə Aran-Mingəçevir Regional Gənclər və İdman idarəsinə təşəkkür edirik.

- Stadionuzun təmirə ehtiyacı var. Ehtiyat meydandakı işlər yarımçıq dayandırılıb. Nə baş verir? Problem nə zaman həll olunacaq?
- Qarşımızda duran məqsəqlərdən biri də stadion problemizin həll olunmasıdı. Bəli ehtiyat meydanda işlər dayanıb. Əsas məqsədimiz həmin meydançanın ot örtüyünü təbii ilə əvəz etməkdi. Bununla bağlə işlər görüləcək. Daha sonra əsas stadionumuzu ümumi təmir etmək istəyirik. Planlarımız var. Bu istiqamətdə işlər görürük.

- "Mingəçevir" 1-ci liqa təmsilçiləri arasında ən çox sponsoru olan klubdu. Düzdü, bunlar bunlar xırda əməkdaşlıqlardı. Bu istiqamətdə böyük işlər görüləcək? Yəni, klubun əsas sponsoru olacaq?
- Təbii ki, irihəcimli maliyyə dəstəyinin olması hamının istəyidi. Amma biz aza da razı oluruq. Bu gün komandanın problemlərini həll edəcək əməkdaşlıqlarımız var. Amma əsas sponsor axtarışındayıq. Çox istəyərdik ki, böyük şirkətlərdən biri maliyyələşdirsiz.

İLKİN SULTANLI