Luçesku həm “Dinamo”dan, həm də futboldan getdi - TURUN ŞƏRHİ
“Şaxtyor” 1-ci dövrənin həlledici oyunlarından birində Kiyevdə “Dinamo”ya qalib gəldi.
"Football-plus.az" xəbər verir ki, görüş baxımlı olmasa da, gərgin mübarizə şəraitində keçdi. Fasiləyə qədər yüksək pressinq tətbiq edən “dinamo” dəfələrlə “şaxtaçılar”ı çətin vəziyyətə saldı. Ukrayna çempionatında ilk oyununu keçirən Marino Puşiç fasilədə müəyyən düzəlişlər etdi. Meydanın rəqibə aid hissəsində daha aqressiv oynamağa başlayan “Şaxtyor” 53-cü dəqiqədə hesabı açdı. Nevertonun kəsici ara ötürməsindən sonra cərimə meydançasında topa yiyələnən Zubkov qapıçı Buşana heç bir şans vermədi.
Buraxılan qol “Dinamo”nu hücum barədə daha çox düşünməyə məcbur etdi. Ancaq Yarmolenko, Buyalski, Vanat kimi aparıcı oyunçuların yoxluğunda irəlidə nəsə yaratmaq çətin idi. Mirça Luçeskunun əvəzetmələri də oyunu gücləndirmədi. Qələbəni qoruyan “Şaxtyor” liderlərə yaxınlaşdı. “Dinamo”nun düşərgəsindən isə gözlənilən istefa xəbəri gəldi. Artıq baş məşqçi postunu Aleksandr Şovkovskiyə təhvil verən Luçesku oyundan sonra bunları dedi:
“Oyundan danışsaq, bu gün daha təcrübəli komanda qalib gəldi. Biz isə şanslardan yararlana bilmədik. Əminəm ki, həm “Dinamo”nun, həm də Ukraynanın gələcəyi var. Bütün bu müddətdə yaşadıqlarım çox çətin idi – müharibə, azarkeşlərin yoxluğu, oyunlardan əvvəl birdəqiqəlik sükut... Yaşlandıqca daha sentimental olursan. Bu planda hər oyun mənə getdikcə daha ağır gəlirdi. Ancaq cəbhədə ölənlər, həlak olan dinc əhali haqda düşünürəm. Bütün bunları futbolla bir araya gətirmək çətindi. Ömrümün 15 ilini Ukrayna futboluna verdim. Bu, sonuncu oyun idi. Öz oyunçularımla, “Şaxtyor”un oyunçuları ilə vidalaşdım. Ümid edirəm ki, bir hissəm Ukraynada qaldı. Başqa cür bitirmək istəyərdim, ancaq hər şeyin bir sonu var – futbolda da, həyatda da, sevgidə də...”
13-cü tur
Dinamo – Şaxtyor 0:1
Zubkov, 53.
Dinamo: Buşan, Tımçik, Popov, Karavayev, Dyaçuk, Dubinçak, Voloşin (Ponomarenko, 88), Şepelev, Brajko, Şaparenko (Sarenko, 82), Benito (Supryaqa, 82).
Şaxtyor: Riznık, Matviyenko, Konoplya, Bondar, Azarov (Rakitski, 34), Stepanenko, Krıskiv, Sudakov, Neverton (Qoçoleyşvili, 75), Zubkov (Nazarina, 75), Sikan (Kelsi, 90+3).
LNZ – Kolos 1:1
Şestakov, 20 – Milko, 79-p.
Minay – Vorskla 0:0
Metallist 1925 – Çernomorets 2:1
Boryaçuk, 53. Moura, 78 – Ştoqrin, 20.
Veres – Zarya 2:2
Vovçenko, 43. Blizniçenko, 89 – Naqnoynı, 36. Yatsık, 61.
Polesye – Krivbass 1:1
Kozak, 54 – Kuzık, 39.
Dnepr-1 – Aleksandriya 1:0
Filippov, 34.
Rux – Obolon 2:2
Kvasnitsa, 3. Karabin, 83 – Suxanov, 37. Krasnopir, 48.
5-ci turdan təxirə salınan oyun: Rux – Dnepr-1 0:2 (Filippov, 16. Pixalyonok, 26).
1. Krivbass 13 8 3 2 26-12 27
2. Dnepr-1 13 8 3 2 16-10 27
3. Polesye 13 8 2 3 20-9 26
4. Şaxtyor 11 7 3 1 21-10 24
5. Rux 13 5 6 2 21-14 21
6. Çernomorets 12 6 1 5 19-13 19
7. Kolos 13 3 8 2 9-9 17
8. Dinamo 10 5 1 4 23-16 16
9. Metallist 1925 12 4 3 5 11-13 15
10. Vorskla 13 4 3 6 14-23 15
11. LNZ 13 3 4 6 12-16 13
12. Obolon 13 3 4 6 10-19 13
13. Zarya 11 2 4 5 12-15 10
14. Aleksandriya 13 2 4 7 7-18 10
15. Veres 12 1 5 6 10-19 8
16. Minay 13 0 6 7 6-21 6
Bombardirlər: Buyalski (Dinamo), Zaderaka, Kojuşko (hər ikisi “Krivbass”) - 6.
Növbəti turun oyunları noyabrın 10-12-si aralığında keçiriləcək: Kolos – Minay, Obolon – Vorskla, Polesye – Metallist 1925, Aleksandriya – Veres, Krivbass – Dinamo, Zarya – LNZ, Çernomorets – Rux, Şaxtyor – Dnepr-1.
Digər xəbərlər
