"Bu gün bizim üçün ikiqat bayramdı deyərdim. Həm mövsümdə hələlik ən böyükhesablı qələbəmizi qazandıq, həm də doğma stadionumuzda ilk oyunumuzu keçirdik. Bununda futbol məkanımızın 2-ci açılışı oldu desəm, yanılmaram. Düzdü, gözlədiyimizdən az azarkeş gəldi, amma qarşıdakı turlarda tribunalarımızın dolacağına inanıran. Bunun üçün daha yaxşı çıxış etməli, qələbələr qazanmalıyıq. Futbolçularımızın oyunundan tam olmasa da, razıyıq. Amma daha da inkişaf etməliyik".

"Bildiyiniz kimi, ötən mövsümdən FİF-lə əməkdaşlıq edirik. Sağ olsunlar, başda Tural müəllim bizim üçün əlindən gələni edir və etməkdədi. Bildiyiniz kimi, qarşımıza çempion kimi elitaya yüksəlmək qoyulub. Ona görə də təkcə oyunlarda qələbələri sıralamağa yox, infrastrukturumuz inkişaf etdirməyə, sponsor məsələlərində də yeniliklərə ehtiyacımız var. Hazırda klubun əsas sponsoru ilə su sponsorumuz da var. Stadionumuz 1-ci liqanın standartlarına uyğunlaşsa da, sıxıntılarımız çoxdu. Qazonun vəziyyəti istədiyimiz kimi deyil. Əlavə bir çox nöqsanlarımız var. Qısası, futbol məkanımızı premyer-liqaya hazırlamaq üçün bolluca işlərimiz var. Çalışacağıq əlimizdən gələnin ən yaxşısını edək".