"Yenidən qurulan komandayıq, heyət tam komplektləşməyib, yetirmələrim oyun təcrübəsindən əziyyət çəkir. Ona görə də çempionata yaxşı başlaya bilmədik, məğlubiyyətləri sıraladıq. Amma oyundan-oyuna “artırırıq”, çalışırıq evdə maksimum yaxşı çıxış edib, qələbələr qazanaq. Heyətə Elnur Səmədov, Comərd Baxşəliyev, Elnur Məmmədov kimi təcrübəli futbolçuları da cəlb etmişik. Qışa qədər maksimum xal toplayıb sonuncu pillədən qurtulmaq istəyirik. 7-ci turda həm "Zaqatala"nın, həm də öz oyunumuzu dərindən təhlil etmişdik. Hamılıqla qərara gəlmişdik ki, meydana qələbə üçün çıxacağıq, öldü var, döndü yoxdu. Şükürlər olsun ki, zəhmətimiz boşa getmədi. Çox sevincliyik. Ardıcıl 7 məğlubiyyətdən sonra axır ki, ilk qələbəmizi qazandıq. Qələbəni idman direktorumuz Aqşin Mürsəlova həsr etdik. Belə ki, oyun zamanı Aqşin müəllimin doğum günü idi. Düşünürəm ki, bu qələbə bizə təkan verəcək və davamını gətirəcəyik".