Xəbər verdiyimiz kimi Türkiyə cümhuriyyətinin 100 illik yubileyi ilə əlaqədar olaraq ATV kanalında yayınlanan ''milyonçu'' şousunun son buraxılışına tanınmış idmançılar dəvət edilmişdi.

"Football-plus.az" xəbər verir ki, söhbət Zəhra Günəş, Şahika Ercümen, Buse Tosun Çavuşoğlu və Taha Akgüldən gedir.

2023-cü ildə önəmli uğurlar qazanmış Türkiyənin voleybol yığmasının aparıcı üzvlərindən olan Zəhra Günəşin oyunu zamanı maraqlı olay yaşanıb. 24 yaşlı voleybolçuya futbolla bağlı sual düşüb. Sual belə səslənirdi: ''2008-də Çempionlar Liqasının 1/8 finalında ''Fənərbaxça'' ilə ''Sevilya'' arasında penaltilər seriyasına qədər uzanan matçda bunlardan hansı olmuşdu''. Futbola qətiyyən marağının olmadığını deyən Günəş köməkdən istifadə edərək birbaşa həmin oyunda ''Fənər''in qapısını qorumuş, hazırda ''Hatayspor''un baş məşqçisi olan Volkan Dəmirələ zəng vurulmasını istəyib. Volkan da doğru cavab olan ''Fənərbaxça''nın qapıçısı 3 penalti dəf edir'' bəndini seçərək Zəhra Günəşin növbəti suala keçməsinə yardım edib. Zəhra Günəş həm də şoudan əldə etdiyi pulları Hatayda voleybol ilə məşğul olan gənc qızlar üçün xərclənəcəyini də söyləyib.

ƏLİ