Türkiyə cümhuriyyəti bu gün 100 illik yubileyini qeyd edir.

"Football-plus.az" xəbər verir ki, bununla bağlı ölkədə önəmli tədbirlər keçirilir. Türkiyənin ''Milyonçu'' şousu da bu günkü günə özəl olaraq hazırlanıb. Belə ki, Kənan İmirzalıoğlunun aparıcısı olduğu və ATV kanalında yayınlanan şounun bu günkü qonaqları peşəkar idmançılar olacaq. Söhbət Zəhra Günəş, Şahika Ercümen, Buse Tosun Çavuşoğlu və Taha Akgüldən gedir. Zəhra Günəş bu il Millətlər Liqasını və ən əsası Avropa çempionluğunu qazanan Türkiyənin voleybol yığmasının önəmli üzvlərindən biridi. Şahika Ercümen fridayvinq üzrə rekordçu dalgıcdı. O, hava aparatından istifadə etmədən 106 metr dərinliyə qədər enib sərbəst şəkildə yuxarı qalxaraq dünya rekordunu yeniləmişdi. Buse Tosun Çavuşoğlu bu il dünya çempionatında qızıl medal qazanmış güləşçidi. Taha Akgül isə dünya, Avropa və Olimpiya çempionluğu yaşayan tək Türkiyənin yox, dünyanın sayılıb seçilən güləşçilərindəndi.

ƏLI