''Qalatasaray''a qarşı matçdan həm öncə, həm də sonra verdiyi açıqlamalar və etdiyi paylaşımlarla diqqət çəkən ''Kopenhagen''in qapıçısı Kamil Qrabaranın yeni klubunun adına aydınlıq gəlib.

"Football-plus.az" Danimarka təmsilçisində çox inamlı performans sərgiləyən polşalı qapıçı gələn mövsümdən etibarən karyerasını Almaniyada davam etdirəcək.

Belə ki, ''Kopenhagen''dən verilən rəsmi açıqlamada ''Volfsburq''la anlaşma əldə olunduğu qeyd olunub. ''Canavarlar'' 24 yaşlı əlcək sahibinə görə 13,5 milyon avro ödəməyə razı olublar! Qrabara mövsümü indiki klubunda tamamlayacaq və gələn yay yeni klubuna qoşulacaq. Qrabara bu mövsüm ''Kopenhagen''in heyətində 19 rəsmi oyuna çıxıb və 25 qol buraxıb.

Xatırladaq ki, Qrabara ''Qalatasaray''la oyundan öncə ''Fənərbaxça'' fanatlarının daha yaxşı olduğunu demiş, oyundan sonrakı paylaşımında isə ''Qalatasaray''ın stadionunu ''zibil çuxuru'' adlandırmışdı. Sentyabrın 20-də İstanbulda baş tutan ''Qalatasaray'' - ''Kopenhagen'' görüşü 2:2-lik bərabərliklə yekunlaşmışdı.

ƏLİ