Bu gün keçirilən oyunla Misli premyer-liqasının 10-cu turuna yekun vurulub.

"Football-plus.az" xəbər verir ki, oyun “CBC Sport”la canlı yayınlanıb.

Misli premyer-liqası
2-ci dövrə, 10-cu tur
22 oktyabr
Qəbələ - Araz-Naxçıvan 1:4
Samuel Tetteh, 37 - Turan Manafov, 32, Kadiri Mohammed, 44, Elvis Maşike, 69, Miço Kuzmanoviç, 71
Qırmızı vərəqələr: İlkin Qırtımov, 28, Osama Xalayla, 60
“Qəbələ”nin bu rəqiblə ev oyunlarını balansı: indiyə kimi qarşılaşmayıblar.
Cəzalı: Vanderson Melo (Araz-Naxçıvan).
“Futbol+”in proqnozu: 30-40-30.
Hakimlər: TURAL QURBANOV, Elşad Abdullayev, Vüsal Məmmədov, Əli Əliyev.
Hakim-inspektor: Orxan Məmmədov.
AFFA nümayəndəsi: Azər Əsgərov.
Qəbələ. Şəhər stadionu. Saat 16.30.

Turun son matçı Qəbələdə keçiriləcək. Yerli komanda “Araz-Naxçıvan”ı qəbul edəcək. Oyunda aşkar favorit yoxdu. Düzdü, “qırmızı-qaralar” ilk dövrəni yaxşı başa vurmadı. Lakin Elmar Baxşıyev komandasını toparlayacağına əmindi.

“Araz-Naxçıvan”da isə işlər qaydasındadı. Azər Bağırov əla komanda formalaşdırıb. Onun rəhbərlik etdiyi kollektiv ilk dövrədə 14 xal yığaraq 4-cü pillədə qərarlaşdı. Naxçıvanlılar bunun təsadüf olmadığını sübut etmək istəyir. Bu səbəbdən də ikinci dövrəyə də qələbə ilə başlamaq vacibdi.
Bu, komandaların tarixi ərzində 2-cü qarşılaşmasıdı. Mövsümün ilk duelində “Araz-Naxçıvan” – “Qəbələ”ni məğlub etməyi bacardı – 2:0.

21 oktyabr
Kəpəz – Zirə 0:0
“Kəpəz”in bu rəqiblə ev oyunlarının balansı: 8:+3=3-2, 8:7.
2015/16 – 1:1, 2:0; 2016/17 – 2:0, 1:0; 2017/18 – 0:3, 0:0; 2022/23 – 1:2, 1:1.
Cəzalı: Qismət Alıyev (Zirə).
“Futbol+”in proqnozu: 30-30-40.
Hakimlər: RAUF ALLAHVERDİYEV, Kamran Bayramov, Eyyub İbrahimov, Kamran Əliyev.
Hakim-inspektor: İmanxan Sultani.
AFFA nümayəndəsi: İlham Əliyev.
Tovuz. Şəhər stadionu. Saat 15.00.

“Kəpəz”in “qaçqın” həyatı başlayır. Gəncə stadionunda təmir işləri başlayıb. Bu səbəbdən də “sarı-göylər” ev oyunlarını Tovuzda keçirməyə məcburdu. Gəncə təmsilçisi azarkeş amilini nəzərə alaraq uzaq məsafə qət etmək istəmədi. Bu səbəbdən də əzəli rəqibin stadionu seçildi. Tovuzun “Kəpəz”ə düşərli olub-olmayacağıbı zaman göstərəcək. Lakin komanda yaxşı durumda deyil. Hesabında 5 xal olan gəncəlilər sonuncu pillədə qərarlaşıb. Bir sıra azarkeşlər rəhbərliyin və baş məşqçinin istefasını tələb edir.

“Zirə”də isə işlər qaydasındadı. Bakı klubu 1-ci dövrəni lider kimi tamamladı. Rəşad Sadıqovuv komandası indi bu uğurun təsadüf olmadığını göstərmək istəyir. Bu səbəbdən də Tovuzdakı qarşılaşmada qələbə qazanmaq lazımdı.
Oyunun favorite, təbii ki, “Zirə”di. Lakin “Kəpəz” də yeni məkanda qələbə qazanaraq sensasiyaya imza ata bilər.
Ümumiyyətlə, bu komandalar indiyə kimi 17 dəfə üz-üzə gəlib. Bu görüşlərin 3-də gəncəlilər, 7-də bakılılar qələbə qazanıb, 7-də isə heç-heçə qeydə alınıb. Topların nisbətində də zirəlilər öndədi – 23:16.

Sabah – Sumqayıt 3:1
Con İrasabal, 54. Namik Ələsgərov, 81. Davit Volkov, 90+6. - İsa Suliman, 9.
“Sabah”ın bu rəqiblə ev oyunlarının balansı: 9:+3=3-3, 17:13.
2018/19 – 1:4, 1:1; 2019/20 – 1:3; 2020/21- 1:2, 1:1; 2021/22 – 3:0, 2:2; 2022/23 – 3:0, 4:0.
Cəzalı: Boyan Letiç (Sabah).
Hakimlər: NİCAT İSMAYILLI, Namiq Hüseynov, Şirmamed Mamedov, Kamal Umudlu.
Hakim-inspektor: Babək Quliyev.
AFFA nümayəndəsi: Erkin Hüseynov.
Bakı. “Bank Respublika Arena”. Saat 18.00.

Yeni dövrədə “Sabah” özünə gəlmək üçün mübarizə aparacaq. “Bayquşlar” 9 tur ərzində yalnız bir qələbə qazanıb. Komandanın heyətində yetərincə güclü futbolçular var. Lakin bunu oyunlarda nümayiş etdirə bilmirlər. Masazır klubu bu görüşdə qələbə qazanaraq dönüş edə bilər.

“Sumqayıt” isə çempionatın ortabablarındandı. “Kimyaçılar”ın hesabında 11 xal var. Samir Abasovun komandası liderlər qrupundan o qədər də uzaq qalmayıb. İkinci dövrənin startı olduğunu nəzərə alsaq, “Sumqayıt” avrokuboklar üçün mübarizə apara bilər. Bunun üçün isə növbəti 9 oyunluq seriyaya yaxşı başlamaq lazımdı. “Gənclik şəhəri” təmsilçisi “Sabah”ın hazırkı durumundan istifadə edərək qələbə qazanmaq istəyir. Nəzərə alaq ki, bu komandalar mövsümdə ilk dəfə üz-üzə gəlir. Onların ilk dövrədəki qarşılaşmaları “bayquşlar”ın Konfrans Liqasında iştirakına görə təxirə salınmışdı.

Bu komandalar indiyə kimi 19 dəfə qarşılaşıb. Bunların 10-da “Sabah”, 6-da “Sumqayıt” qələbə qazanıb, 3 matçda isə heç-heçə qeydə alınıb. Topların nisbətində də “bayquşlar” öndədi - 37 :19.