“Təəssüf ki, pley-offa vəsiqə qazana bilmədik. Komandanın son bir neçə oyununu buraxmalı oldum. Ümumiyyətlə, bir sıra futbolçumuzun zədələnməsi son nəticələrə təsirini göstərdi. Bu isə səbəbsiz deyil. İyul komandamız üçün çox ağır keçdi: üç gündən bir meydana çıxmalı olduq. Uzaq məsafələrə uçuşlar komandanı gec-tez yoracaqdı. Nəticədə pley-offdan kənarda qaldıq. Buna baxmayaraq, hansısa kluba icarəyə getmək fikrində deyiləm. Məşq edəcəyəm, “Şarlott” ilə qarşıdakı matçda oynayacağam və milli komandanın noyabrda keçiriləcək növbəti oyunları ərəfəsində ən yaxşı formada olmağa çalışacağam. Bundan sonra isə Argentinada keçirəcəyim tətildən həzz alacağam. Dekabrda ilk dəfə bayramlarda könül rahatlığı ilə, xalqımla birgə daha çox istirahət edəcəyəm. Mövsümöncəsi hazırlıq üçün yanvarda yenidən meydana qayıdacağam. Mən sıfırdan başlayacaq və həmişə olduğu kimi, mövsümə mümkün qədər yaxşı hazırlaşacağam”.