“Cabiri əvəz edəcək bacarıqlı müdafiəçilərimiz var” – Diniyev nikbindi
“Səbail”in Misli premyer-liqasının 10-cu turunda “Neftçi” ilə oyun ərəfəsində ciddi itkiylə üzləşdiyini xəbər vermişik. Futbolçu Cabir Əmirli sağ dizindən menisk əməliyyatı keçirdiyinə görə bu il meydana çıxa bilməyəcək.
Bəs baş məşqçi Şahin Diniyev kapitanı kimlə əvəzləyəcək? Yeni transfer gözlənilir, yoxsa komanda müvəqqəti də olsa, Cabirsiz mübarizə aparmaq iqtidarındadı? Mütəxəssis “Football-plus.az”ın sualını cavabladı:
“Yeni futbolçuyla anlaşmaq niyyətimiz yoxdu. Yalnız azad agentlər transfer edə bilərik. Onlar da bu gün gəlib sabah oyuna çıxa bilmirlər. Əsas heyətdə Cabiri əvəz edəcək bacarıqlı müdafiəçilərimiz var. Onlara şans verəcəyik. Allah Cabirə şəfa versin. İnşallah, tezliklə onu yenidən meydanda görəcəyik”.
Çalışdırıcı “Neftçi” ilə oyunun hazırlıq prosesini də dəyərləndirdi:
“Rəqibin kimliyindən asılı olmayaraq, bütün oyunlara qələbə üçün çıxırıq. Hazırlıq prosesi yaxşı keçib. Ümid edirəm ki, uğurlu seriyamızı davam etdirəcəyik. Bütün futbolçularıma güvənirəm”.
KƏNAN BAHADIR
Digər xəbərlər
