“ŞKGB-ni 1999-cu ildə yaratmışıq. Mənası Şimal Kəndli Gənclər Birliyidi. İdmanla bağlı yarışlarda iştirak etmişik. Futbol üzrə qızlar turnirlərində çıxış etmişik. Bu il də futbol klubunun Region Liqasında iştirak etməsini istədik. Komandanı 44 günlük zəfərimizlə əlaqədar yaratmışıq. Bizim kənddə 29 veteran var. Bu komandada ümumilikdə Xaçmaz veteranları oynayacaq. Hazır qeydiyyatdan keçən klubumuz var idi. Düşündük ki, Region Liqasında bu adda iştirak edək. Kimlər gülür ki, adımıza? Yəqin ki, mənasını başa düşmürlər. Bizə gülənlər səviyyəsiz adamlardı. Komandamızın üzvlərinin çoxu 44 günlük Vətən müharibəsində iştirak edənlərdi. Onlar vətən uğrunda can qoyublar. İndi futbol oynaya bilməzlər? Başa düşmürəm, nəyə gülürlər?”