“Kardiffdə günlərim çox sıx keçir. Həm hazırlıq dönəmində, həm mövsümün gedişində nəfəs dərməyə imkan olmur. Çempionşipdə 46 tur oynanılır. Üstəlik kubok matçları da keçirilir. Temp inanılmaz dərəcədə yüksəkdi. Futbolçular hər oyunda çox qaçmalı, sprintlər etməli olurlar. Türkiyə ilə aradakı əsas fərq budu. Futbolçuların fiziki durumu çox böyük əhəmiyyət daşıyır. Yüz faiz hazır olmalıdılar. Çünki fasilə yoxdu. “Kardiff” üçün son iki mövsüm o qədər də yaxşı keçməmişdi. Bizim gəlişimizlə və yeni transferlərin baş tutmasıyla komandaya yeni ab-hava, həyəcan gəldi. Zaman ötdükcə oyunçularla bir-birimizi daha yaxşı tanımağa başladıq. Hədəfimiz ən azı son 2 mövsümdəkindən daha yaxşı çıxış etməkdi. Konkret desək, mövsümü ilk “10-luq”da bitirməyə çalışacağıq. Təbii ki, bundan da yaxşı nəticə əldə olunsa, pis olmaz. Əslində mənə “Kardiff”dən ilk dəfə hələ 3 mövsüm öncə təklif gəlmişdi. O vaxt hələ “Alanyaspor”daydım. Klub rəsmiləri ilə də görüşdüm. Amma “Fənərbaxça”nı çalışdırmaq mənə daha cəlbedici variant kimi göründü. Ona görə də “Fənər”i seçdim. Bu yay yenə “Kardiff”dən təklif gəldikdə bu dəfə “niyə də olmasın” dedim. Zatən Avropada işləmək hədəfim çoxdan var idi. Yunus Akgünün səviyyəsi bəllidi. İngiltərə futboluna uyğunlaşmaq asan məsələ deyil. Bu dönəmi başa vurandan sonra özünü daha yaxşı göstərəcəyini və “Lester”ə daha çox fayda verəcəyini düşünürəm. Ozan Tufan isə artıq uyğunlaşmanı çoxdan başa vurub. Çempionşipdə çox yaxşı performans sərgiləyir və “Hall Siti”nin liderlərindən biridi”.