Çimərlik voleybolu tarixində ilk dəfə keçirilən Avropa Kubokunda (Beach Volley European Cup) çıxış edən kişilərdən ibarət "Murov Az Terminal" 1/4 final mərhələsində Macarıstanın "SRSE Budapeşt" klubuna qalib gələrək yarımfinala yüksəlib.

"Football-plus.az" xəbər verir ki, komandalar arasında keçirilən iki oyundan birində rəqib, ikincidə isə "Murov Az Terminal" qalib gəlib.

Ardınca qalibi müəyyən etmək üçün qızıl set oynanılıb. Qızıl setdə 15:8 hesabı ilə qalib gələn komandamız Avropa Kubokunda növbəti mərhələyə yüksəlib.