Bu gün keçirilən oyunlarla Misli premyer-liqasında 8-ci tura yekun vurulub.

"Football-plus.az" xəbər verir ki, 2 oyunun hamısını “CBC Sport” canlı yayınlayıb.

Misli premyer-liqası
1-ci dövrə, 8-ci tur
1 oktyabr
Kəpəz – Qəbələ 0:1
Bilel Auaşeriya, 52
“Kəpəz”in bu rəqiblə ev oyunlarının balansı: 12:+4=4-4, 13:16.
2010/11 – 0:0, 0:0; 2011/12 – 3:2; 2012/13 – 1:0; 2015/16 – 3:0, 0:1; 2016/17 – 1:1, 2:0; 2017/18 – 1:6, 0:1; 2022/23 – 0:3, 2:2.
Cəzalı: yoxdu.
“Futbol+”in proqnozu: 30-30-40.
Hakimlər: RAUF CABBAROV, Zöhrab Abbasov, Asiman Əzizli, Rəşad Əhmədov.
Hakim-inspektor: Vüsal Əliyev.
AFFA nümayəndəsi: Elman Musayev.
Gəncə. Şəhər stadionu. Saat 16.00.

Bölgə təmsilçilərinin görüşü maraqla gözlənilir. Bu komandalar turnir cədvəlində qonşu pillələrdə qərarlaşıb. Hər biri qələbə qazanmaqla sonuncu pillədən uzaqlaşmaq istəyir. “Kəpəz”in güclü rəqiblə oyunda xal qazana bilmək potensialını nəzərdən qaçırmamaq lazımdı. “Qəbələ” isə hədəflərini ortaya qoymaq, zirzəmidən qurtulmaq üçün Gəncədə qələbə qazanmalıdı.

Ümumiyyətlə, bu komandalar indiyə kimi 24 dəfə üz-üzə gəlib. Bu görüşlərin 6-da gəncəlilər, 10-da qəbələlilər qələbə qazanıb, 8-də isə heç-heçə qeydə alınıb. Topların nisbətində “qırmızı-qaralar” öndədi – 32:21.

Araz-Naxçıvan – Zirə 1:0
Nuno Rodriges, 78
“Araz-Naxçıvan”ın bu rəqiblə ev oyunlarının balansı: indiyə kimi qarşılaşmayıblar.
Cəzalı: yoxdu.
“Futbol+”in proqnozu: 30-30-40.
Hakimlər: ƏLİ ƏLİYEV, Zeynal Zeynalov, Cəmil Quliyev, Kamran Əliyev.
Hakim-inspektor: Munis Abdullayev.
AFFA nümayəndəsi: Asif Əliyev.
Bakı. “Dalğa Arena”. Saat 18.30.

Naxçıvanlılar çempionata rəng qatır. Azər Bağırovun komandası həqiqətən yaxşı oyun sərgiləyir. Düzdü, favoriti “Zirə”di. Rəşad Sadıqovun komandasının bu mövsümdəki əsas hədəfi avrokuboklara vəsiqə qazanmaqdı. “Qartallar” çempionatın güclü komandalarından birini səfərdə məğlub etməyə çalışacaq. Üst pillələrdə qərarlaşmaq istəyən digər komandalar isə “Araz-Naxçıvan”ın “Zirə”ni məğlub etməsini arzulayır. Düzdü, turnirin başa çatmasına hələ çox var. Lakin “qartallar”ın bu qədər irəliləməsi rəqiblərinə heç də sərf etmir.

30 sentyabr
Turan Tovuz – Neftçi 0:1
Aaron Olanare, 87.
“Turan Tovuz”un bu rəqiblə ev oyunlarının balansı: 2:+1=0-1, 1:4.
2022/23 – 0:1, 4:0.
Cəzalı: yoxdu.
“Futbol+”in proqnozu: 30-30-40.
Hakimlər: EMİN ƏLİYEV, Müslüm Əliyev, Şirmamed Mamedov, Fərid Hacıyev.
Hakim-inspektor: Barış Şimşek.
AFFA nümayəndəsi: Elgiz Abbasov.
Tovuz. Şəhər stadionu. Saat 16.00.

Bu komandaların Tovuzda keçirilən son oyununda tarixi nəticə qeydə alınmışdı. “Boz qurd”un premyer-liqada bir oyunda ən çox qol vurduğu komanda “Neftçi”di. Bu nəticə Laurentsiu Regekampfın zamanında baş vermişdi. İndi Andrian Mutu həm komandasının vəziyyətinin düzəlməsi, həm də həmyerlisinin intiqamını almaq üçün qalib gəlməlidi.
“Turan Tovuz”un “ev sindromu” hamıya bəllidi. Ayxan Abbasov mütləq şəkildə doğma meydanda qələbə qazanmaq istəyir. “Neftçi” ilə matçda bu arzunu reallaşdırmaq “boz qurd” üçün əlavə motivasiya olacaq.

Heyətləri müqayisə etsək, təbii ki, favorit “Neftçi”di. Lakin indiki durumda hər iki kollektiv bu görüşdə qələbə qazana bilər.

Ümumiyyətlə, rəqiblər yalnız 2022/23 mövsümünün 4 oyunununda üz-üzə gəlib. Bu qarşılaşmalarının 2-də flaqman, 1-də tovuzlular qalib gəlib, 1-də isə heç-heçə qeydə alınıb. Topların nisbətində də “ağ-qaralar” öndədi – 5:4.

Səbail – Sabah 2:2
Yusif Nəbiyev, 28. Adi Mehremiç, 87 - Emmanuel Apeh, 41. Anatoli Nuriyev, 84.

“Səbail”in bu rəqiblə ev oyunlarının balansı: 9:+4=1-4, 8:12.
2018/19 – 0:0, 1:0; 2019/20 – 1:3; 2020/21 – 2:1, 2:0; 2021/22 – 0:3, 0:2; 2022/23 – 0:2, 2:1.
Cəzalı: yoxdu.
“Futbol+”in proqnozu: 30-30-40.
Hakimlər: CAVİD CƏLİLOV, Kamran Bayramov, Rəhman İmami, Tural Qurbanov.
Hakim-inspektor: Anar Salmanov.
AFFA nümayəndəsi: Aslan Şahgəldiyev.
Bakı. “ASCO Arena”. Saat 18.00.

Paytaxt derbisini turun mərkəzi görüşü saymaq olar. “Səbail” son vaxtlar yüksəlişdədi, ardıcıl 4 oyunda qələbə qazanıb. Bunun nəticəsində “dənizçilər” çempionatın 2-ci pilləsində qərarlaşıb.

“Sabah”da isə işlər qaydasında getmir. Güclü heyətə malik olan Murad Musayevin komandası 6 matçda hesabına 5 xal yaza bilib. Bu nəticə “tələbələr” üçün indiki məqamda fiaskodu.

Nəticələrə görə qarşılaşmanın favoriti Şahin Diniyevin komandasıdı. Lakin “Sabah” bu durumdan çıxmaq üçün derbidə qələbə qazanmalıdı. Musayev komandasının qələbə qazanması üçün əlindən gələni etməyə çalışacaq. Əks təqdirdə vəziyyət daha da gərginləşəcək. Bu oyun rusiyalının istefa verməsinə belə səbəb ola bilər.

Ümumiyyətlə, bu komandalar indiyə kimi Azərbaycan çempionatlarında 19 dəfə üz-üzə gəlib. Bu görüşlərin 6-da “Səbail”, 9-da “Sabah” qələbə qazanıb. 4 oyunda isə heç-heçə qeydə alınıb. Topların nisbətində də “bayquşlar” öndədi – 25:15.