"Heyətimizi tam qurmuşuq. Hamısı rayon uşaqlarıdı. Klubu mən yaratmamışam. Bildiyiniz kimi, rayonumuzda həmişə futbola böyük maraq olub. Vaxtilə "Anşad Petrol", "Pambıqçı" və "Neftçala" komandaları var idi. İndi də bu ənənəni davam etdirmək istəyirik. Bu addımımızı rayon camaatı da yaxşı qarşıladı. Deməzdim ki, medallar uğrunda mübarizə aparacağıq. Sadəcə, əlimizdən gələni edəcəyik ki, yaxşı nəticə göstərəcək kollektiv yaradaq. Oyunlarımızı rayonumuzda yerləşən Nəriman Nərimanov adına stadionda keçirəcəyik. Arenamız Region Liqasında çıxış edən bəzi komandaların stadionundan yaxşıdı. Sponsorlar da bizə kömək göstərir. Lakin hələ ki onların adlarını çəkə bilmərəm".