“Hazırda komandanı komplekləşdiririk. Bunun üçün bəzi sənəd işləri qalıb. Oyunlarımızı keçirmək üçün iki stadion var. Bunlar Beyləqan Olimpiya İdman Kompleksi və Qəhrəmanlı kəndində yerləşən stadiondu. Bizə rəhbərlikdən bildirdilər ki, komandanı qurun, Region Liqasında iştirakınıza şərait yaradacağıq. Maliyyə sarıdan da heç bir problemimiz yoxdu. Rayonumuzdan olan bir qardaş var, klubun bütün pul məsələlərini həll edəcək. Ona da “çox sağ ol” deyirik. Yaxşı ki, ölkə futbolu ilə maraqlanan belə şəxslər var. Qonşu rayonlardan Saatlıda, İmişlidə komandalar var. İstəyirik ki, biz də bu siyahıda olaq. Məqsəd rayonumuzda futbola marağı qaytarmaq və ölkə futbolu üçün gənc, istedadlı oyunçular yetişdirməkdi. Biz 15-16 yaşındakı oyunçuları pis vərdişlərdən çəkindirmək, sağlam həyata yönəltmək niyyətindəyik. Heyətə bir neçə tanınmış oyunçu da cəlb etmək istəyirik ki, komandamızın nüfuzu qalxsın. Mən özüm də Qəhrəmanlı kəndində anadan olmuşam. Bu kənd vətən üçün çox şəhid verib. Belə bir bölgəni futbolsuz qoymaq istəmirik”.