"Qarabağ ardıcıl 10-cu ildi ki, avrokuboklarda qrup mərhələsində çıxış edir. İlk dəfədi ki, qrupa qələbə ilə başladıq. Bir şeyi qeyd edim. Bu mövsümə "köhlən atlar" elə də uğurlu başlamamışdı. Çempionatda ardıcıl xal itkiləri, məğlubiyətlər, ÇL-də "Rakuv"a gözlənilməz məğlubiyyət insanların fikirlərini dəyişmişdi. "Qarabağ"ı hesabdan silənlər az deyildi. Amma komandamız göstərdi ki, tələsmək olmaz. Xüsusilə son iki oyunda, həm "Sabah"a, həm də "Molde"yə gücünü göstərdi. Komandamız özünü toparladı, əvvəlki oyununu göstərməyə başladı. Bu bizi azarkeş kimi sevindirməyə bilməz. "Bizimkvartet" də avrokubok matçlarında "İmarət" sektorunda komandamızı dəstəkləyir. 90 dəqiqə dayanmadan bəstələr oxuyur, şüar səsləndirir, komandamızı qələbəyə səsləyirdik. Əla oyun oldu. Daha çox qol vura bilərdik, ancaq istənilən halda əsas nəticədi. 3 xal qazandıqsa, demək ki, problem yoxdu".