Milli fasilədən istifadə edən “Neftçi”nin Qəbələ toplanışı davam edir.

Flaqman Adrian Mutunun rəhbərliyi altında gündəlik fiziki və taktiki hazırlıq keçir. Zədəlilər də daxil olmaqla bütün futbolçular düşərgədədi. Eddi İsrafilovla Azər Əliyev artıq komanda ilə birgə məşq edir. Ömər Buludovla Emil Balayev isə zədəsini sağaltmaqla məşğuldu.

Bununla yanaşı, “Neftçi” transfer axtarışını davam etdirir. Flaqman rəhbərliyi çempionat bərpa olunana kimi daha iki futbolçunun keçidini həll etmək istəyir. Mutunun əsas istəyi hücumçu və sağ cinah vingeridi. Bununla bağlı azad agent olan məşhur futbolçular axtarılır. Klubun müvafiq departamentinə hər gün müxtəlif oyunçular təklif olunur. “Ağ-qaralar”ın özünün də danışıq apardığı oyunçular var. Lakin yekunda hansısa səbəbdən transfer alınmır. Problem futbolçuların Azərbaycana gəlmək istəməməsi və ya həddindən artıq maaş tələb etməsi ilə bağlıdı. Hər halda, baş məşqçinin istəyini nəzərə alan rəhbərlik 6-cı turun startına kimi iki oyunçunun keçidini həll etməyə çalışacaq.

İLKİN SULTANLI