"Neftçi" Bakıda Konfrans Liqasının hazırlığını davam etdirir.

"Football-plus.az" xəbər verir ki, flaqman Bakıxanovdakı təlim-məşq toplanış mərkəzində Vadar Nuriyevlə İqor Getmanın rəhbərliyi altında məşq keçir.

Düşərgədə 21 futbolçu var: İvan Brkiç, Kenni Sayef, Azər Əliyev, Mateus Saldanya, Eddi İsrafilov, Rəhman Hacıyev, Azər Salahlı, Vüsal Əsgərov, İsmayıl Zülfüqarlı, Kilan Lebon, Ömər Buludov, Fərid Yusifli, Aqil Məmmədov, Elton Əlibəyli, Samir Həsənov, David Orucov, Yeqor Boqomolski, Rüfət Abbasov, Hüseyn Babayev, Ağadadaş Salyanski və Ömər Qurbanovdu.

Milliyə dəvət olunan 4 oyunçu isə yaxın günlərdə düşərgəyə qoşulacaq. Bunlar Ataa Caber, Höccət Haqverdi, Solomon Kvirkveliya və Rza Cəfərovdu. Emin Mahmudovla bağlı qeyri-müəyyənlik davam edir. Klub rəhbərliyi kapitanın cavabını gözləyir. Emin "Neftçi"də qalmaq istəsə, onunla 3 illik yeni müqavilə bağlanacaq.

Bundan başqa, "ağ-qaralar", demək olar ki, 2 transferi rəsmiləşdirib. Bunlar millimizin üzvləri Emil Balayevlə Filip Ozobiçdi. Hər iki futbolçu ilə 2 illik rəsmi müqavilə imzalanacaq. Onlar yaxın günlərdə ictimaiyyətə açıqlanacaq.

Son olaraq, "Neftçi"də baş məşqçi ilə bağlı qeyri-müəyyənlik davam edir. Flaqmana Sank-Peterburdakı "Match TV" kubokundakı turnirdə Vadar Nuriyevlə İqor Getman rəhbərlik edəcək.

İLKİN SULTANLI