Futbolda ən maraqlı dövr “transfer pəncərəsi” vaxtıdı.

Oxucular və ictimaiyyət üçün belə məqamlarda yayılan məlumatlar olduqca diqqətçəkən olur. Avropada bir çox ölkələrdə “transfer pəncərəsi” bağlanıb. Elə Azərbaycan premyer-liqası üçün də bu müddət başa çatıb.

“Football-plus.az” olaraq, 2023/24 mövsümünün yay “transfer pəncərəsi”ndə baş verən prosesləri diqqətinizə çatdırırıq. “Transfermarkt.com” dünya üzrə transferə ən çox pul xərcləyən ölkələrin siyahısını təqdim edib. Həmin cədvəli diqqətinizə çatdırırıq:

1. İngiltərə premyer-liqası – 2 milyard 810 milyon avro
2. Səudiyyət Ərəbistanı Pro liqası – 911 milyon avro
3. Liqa 1 – 899 milyon avro
4. A Seriyası – 854 milyon avro
5. Bundesliqa – 748 milyon avro
6. La Liqa – 440 milyon avro
7. Erediviziya – 229 milyon avro
8. Çempionşip – 213 milyon avro
9.. Liqa Portuqaliya – 190 milyon avro
10. Yupiter Pro Liqası – 156 miylon avro

Misli premyer-liqası da siyahıda yer alıb. Çempionatımız 51-ci pillədə qərarlaşıb. Klublarımız transferlərə 2,5 milyon avro pul xərcləyib. Azərbaycan təmsilçilərindən ümumilikdə dəyəri 830 min avro olan futbolçular transfer edilib.

Misli premyer-liqasında çıxış edən klubların ödəniş əsasında transfer etdiyi futbolçuların siyahısı:
1. Jearl Marqarita (Sabah) – 500 min avro
2. Juninyo (Qarabağ) – 450 min avro
3. Ayaz Quliyev (Sabah) – 400 min avro
4. Yuri Matias (Neftçi) – 400 min avro
5. Mateus Silva (Qarabağ) – 350 min avro
6. Pyer Zebli (Zirə) – 250 min avro
7. Mark Tamaş (Neftçi) – 150 min avro
Misli premyer-liqasından ödəniş əsasında transfer edilən futbolçuların siyahısı:
1. Musa Qurbanlı (“Yurqorden”, İsveç) – 500 min avro
2. Coy-Lens Mikels (“Əl-Feysəli”, Səudiyyə Ərəbistanı) – 300 min avro
3. Cəlal Hüseynov (“Arda”, Bolqarıstan) – 30 min avro

İLKİN SULTANLI