“İyulda Şuşada klub rəhbərliyi ilə görüşdüm. Klubun yaranması ilə bağlı məndə informasiya var idi. Rəhbərliyə bildirdim ki, həkim kimi burda çalışmaq istəyirəm. Dedilər ki, sizə cavab verəcəyik. Bir həftə keçəndən sonra menecer Elbrus Orucəliyev zəng elədi ki, işə başlaya bilərsiz. Mən də ayın 10-dan klubun düşərgəsinə yollandım. Orda məşq proseslərində iştirak edirdim. Köməkçim də var idi - Elçin Gülverdiyev idi. Onunla birgə işləyirdim. Fəaliyyətə başlayanda dedim ki, futbolçular üçün tibbi ləvazimatlar lazımdı. Ağrıkəsicilər, mazlar və başqa dərmanlar istifadə olunmalı idi. Dedilər ki, həkim, bunu özünüz alın, biz sizə ödəniş edəcəyik. Amma çekləri saxlamağımı istədilər. Mən də razı oldum. 50-100 manat dəyəri olan dərmanları aldım. Ümumilikdə 675 manat dəyəri olan ləvazimata pul xərcləmişəm. Bir də idman çantası almışam. Bunları alandan sonra Zahid Niyazəliyəvə məlumat verdim ki, lazım olan ləvazimatları aldım. O da dedi ki, narahat olma, ödəyəcəyik. Ayyarım işimə davam etdim. Əvvəlcədən deyilmişdi ki, sənlə rəsmi müqavilə bağlayacağıq, maaşını da verəcəyik. Mən də baş məşqçi Elbrus Məmmədovdan soruşurdum ki, pullar nə vaxt veriləcək? Dərmanların pulları ödəniləcəkmi? Ayın 23-ü bizə dedilər ki, öhdəliklər yerinə yetirilmir. Dedik ki, bizə maaş vermirsizsə, bura nəyə gələk? 25-i mənə zəng elədilər. Soruşdular ki, sən niyə məşqə gəlmirsən? Dedim ki, mən çıxmamışam. Amma mənim pulumu ödəyin. Dedilər ki, yaxşı. 25-i getdim. Gördüm ki, başqa baş məşqçi artıq işə başlayıb. Nazim Süleymanov özü ilə həkim gətirib. Mənə də dedilər ki, həkim, sənə olan borcumuzu hər ay 100 manat ödəyəcəyik. Sən demə, verməyə pulları yox imiş. Onlara dedim ki, axı mən pulu borc almışam, qaytarmalıyam. Sonra da Zahid müəllim deyib ki, bizim ona verəcəyimiz pulumuz yoxdu. Mənim nə maaşımı verdilər, nə də aldığı dərmanların ödənişini etdilər. Mən artıq onlardan istifadə etmişəm. 1 qutu silikon 150 manatdı. 3 yoxlama oyunu keçirildi. Həmin qarşılaşmalarda mən də olmuşam. İdmançılara tibbi xidmət göstərmişəm. Özüm də Qərbi Azərbaycandanam, hərbçiyəm. Vətənimə, dövlətimə xidmət eləmişəm. Aprel döyüşlərinin iştirakçısıyam. Başa düşmürəm ki, bu qədər işin qarşılığında bunlar məni niyə aldadırlar? Heç nə olmamış kimi başqa həkim gətiriblər ki, yerimə işləsin. Onlara öz iradımı bildirdim. Qeyd etdim ki, əsas rəhbərliyə sizdən şikayət edəcəm”.

“Onların pulu yoxdu. Uzatmalarının da səbəbi budu ki, bizi aldadaraq başqa heyəti gətirmək istədilər. Soruşuram ki, məni siz dəvət etdiz. İndi niyə başqası həkimlik edir? Onlar da bildirdi ki, yeni baş məşqçi başqa həkimlə işləmək istəyib. Klub rəhbərliyi də onun fikrinə hörmətlə yanaşıb. Hələ ki gözləmə mövqeyindəyəm. 5-10 gün ərzində onlardan xəbər gözləyirəm. Bu məsələ müsbət həllini tapmasa, Qərbi Azərbaycan İcmasının sədrinə şikayət edəcəm. Bu da həllini tapmasa, klubu məhkəməyə verəcəm. Başqa yol yoxdu. Alı müəllimlə bu barədə danışmamışıq. Birdən-birə məlumatımız oldu ki, o da klubdan ayrılıb. Yəqin rəhbərliklə arasında anlaşılmaz olub. Bu səbəbdən o da klubla yolları ayırıb. Vallah, mənimlə əvvəlcədən elə mehriban davranırdılar. Hamısına da hörmət edirdim. Lakin son anda mənimlə əlaqəni kəsdilər. Bu da çox təsir etdi. Başa düşdüm ki, bu hadisələr planlı şəkildə baş verib. Əvvəlcədən mənlə xoş davranaraq komandadan uzaqlaşdırdılar. Çünki pul vermək istəmirdiklər. Lakin deyilmişdi ki, ödənişlər olacaq. Yenə deyirəm, avqustun ayın 23-də “İrəvan”dan ayrılmışıq. 24-25-i futbolçulara paketin içində ödəniş edilib. Mən də etirazımı bildirdim. 45 gün ərzində əynimə formanı geyərək oyunçulara tibbi xidmət göstərmişəm, günün altında işləmişəm. Meydanda can qoyanlardan biriyəm. Mənə nə üçün pul vermirlər? Bildirdilər ki, müqavilə olmadığına görə sizə hələ ki ödəniş yoxdu. Düzünü deyəcəm. Mənə hədə-qorxu gəlməyiblər. Əlimdə olan çekləri menecerə göndərmişəm. Onlara dərmanların nə qədər etdiyini söyləyərək demişəm ki, mənim pulum ödənilsin. Yenə deyirəm, idman direktoru Vüqar, menecer Elbrus Orucəliyev və klubun prezidenti Zahid Niyazəliyev dəfələrlə dedilər ki, dərmanları al, pulunu biz sənə ödəyəcəyik. Bir dəfə də özləri gedərək firmadan ləvazimat götürmüşəm. Dedilər ki, əmin ol, ödəyəcəyik. Amma niyə pulum verilmir? Bunu başa düşə bilmirəm”.