Kapitandan etiraf: "Səbail"lə oyundan sonra 4-5 futbolçumuzun həkim müdaxiləsinə ehtiyacı oldu”
"Turan Tovuz"un baş məşqçisi Ayxan Abbasov "Sabah"la matçdan (3:0) sonra keçirilən mətbuat konfransında ev və səfər oyunlarında fərqli nəticələrdən danışarkən oyunçuların süni örtüyü sevmədiyini, bir çox hallarda özlərini riskə atmaq istəmədiyini bildirdi.
Mövzu ilə bağlı "Turan Tovuz"un futbolçusu Şəhriyar Əliyevə müraciət etdik. Kapitanın "Football-plus.az”a söylədikləri:
"Deyilənlərlə razılaşmamaq mümkün deyil. Süni örtük ev oyunlarında ciddi problem yaradır. "Səbail"lə oyundan sonra 4-5 futbolçumuzun həkim müdaxiləsinə ehtiyacı oldu. Ötən mövsüm Tovuzda məşq etdiyimizdən az da olsa, öyrəşmişdik. Bu dəfə təbii örtükdə məşq edib sonra meydana çıxdığımıza görə çətinlik oldu. Bundan sonrakı matçlarda alışmağa çalışacağıq. Təbii ki, ən yaxşısı meydanın təbii örtüklə təmin edilməsidi. İnanırıq ki, azarkeşlərimizi sevindirməyə davam edəcəyik".
KƏNAN BAHADIR
Digər xəbərlər
