“Sabah” – “Neftçi” matçında başverənlərin əvəzedici komandalara təsir etdiyini düşünmürəm” - AÇIQLAMA
Dünən əvəzedicilər liqasında “Sabah-2” “Neftçi-2” ilə qarşılaşdı.
Görüş 1:0 hesabı ilə meydan sahiblərinin xeyrinə başa çatdı. Amma nəticədən çox meydanda yaşananlar gündəm oldu. “Bayquşlar”ın yeganə qolunun müəllifi İdris İnqilablı, “Neftçi”dən isə Rüfət Abbasov və Həmid İsmayılov meydandan qovuldu. Oyunun bu qədər kobud keçməsinin səbəbi nə idi? Bir gün öncə əsas komandalarının qarşılaşmasında yaşananlar dünən meydana çıxan futbolçulara təsir edib? Suallarımızı “Sabah-2”nin çalışdırıcısı Rövşən Babayevə ünvanladıq. Mütəxəssis “Football-plus.az”a açıqlamasında bunları söylədi:
“Düşünmürəm ki, bu bir gün öncə əsas komandalar arasında keçirilən oyunla bağlı idi. Sadəcə, hər iki komanda qalib gəlmək istəyirdi. Fikrimcə, oyunda olan sərtlik, gərginlik bundan qaynaqlanırdı. Əlbəttə, yersiz kobudluqların olmaması yaxşı olardı. Qalib gəldiyimizə görə şadam. Əzmkar, mübariz oyuna görə futbolçulara təşəkkür edirəm. İnanıram ki, növbəti matçlarımızdan da müsbət nəticələrlə ayrılacağıq”.
İLKİN SULTANLI
Digər xəbərlər
