“Qapıçı elə bir mövqedi ki, həm qəhrəman, həm də antiqəhrəman ola bilirsən. Dünyanın hər bir ölkəsində qapıçılar bundan da kobud səhvlər edir. Bir qolkiper müntəzəm səhv edirsə, nöqsandı. Yusif İmanov bir səhv elədi deyə, “Azərbaycanda qapıçı yoxdu” fikrini söyləyə bilmərik. Onun səhvi, sadəcə, “canlı sədd”i düzgün qurmamaqda idi. Yusif çox istedadlı qapıçıdı. Şahruddin haqda isə nəsə deyə bilmərəm. Çünki o, Azərbaycanda yetişməyib”.

“Dünənki oyunlarda elə səhvlər oldu ki, mütəxəssislər bunun üzərində işləməli, mediaya və qapıçılara çatdırmalıdı. Yusif İmanovun səhvi “canlı sədd”i düzgün qura bilməməsinə görə oldu. Ümid edirəm ki, “Sabah”ın məşqçilər bununla bağlı təhlil aparacaqlar. Qapıçı elə mövqedi ki, hər səhv komandaya baha başa gəlir. Meydan oyunçusu səhv edəndə “sığortalamaq” olur, lakin qolkiperin səhvini “sığortalayan” olmur. Hazırkıların yox, amma gələcəkdə yetişəcək qapçıların Avropada çıxış edəcək səviyyədə olacağını düşünürəm. Bunun üçün yaxşı işlər aparılmalıdı. Avropa səviyyəsində qapıçı yetişdirmək istəyiriksə, bütün aspektlərdə inkişafa çalışmalıyıq. Ümid edirəm ki, gənc qapıçılarımız yetişəcək və ölkəmizi layiqincə təmsil edəcəklər”.