Ötən həftəsonu Türkiyə çempionatında 66-cı mövsüm start götürdü.

“Football-plus.az” xəbər verir ki, ilk turda 4 nəhəngdən yalnız “Qalatasaray” büdrədi. Son çempion Kayseri səfərindən qolsuz bərabərliklə döndü. İlk turun diqqətçəkən məqamlarından biri penaltilərlə bağlı oldu. Belə ki, 10 qarşılaşmada təyin olunan 3 penaltinin heç birindən yararlanmaq mümkün olmadı. Hər üç halda qapıçılar zərbəni dəf etdi. Əvvəlcə “Konyaspor”la səfər matçının son anlarında “İstanbulspor”lu Əmir Kaan Gültəkin, sonra “Qaziantep”lə ev oyununda “Fənərbaxça”lı Duşan Tadiç və sonda “Fatih Karagümrük”lə səfər matçında “Beşiktaş”lı Vensan Abubakar penaltini boşa verdi. Abubakar, ümumiyyətlə, peşəkar karyerasında ilk dəfə penaltidən yararlana bilmədi!

Amma 1-ci turda daha bir diqqəti cəlb edən hadisə yaşandı. Bilindiyi kimi, legioner limiti ilə bağlı “8+3” qərarı bu mövsüm də qüvvədə saxlanılıb. Yəni komandalara start heyətində makimum 8 legioner oynatmağa icazə verilir. Sizcə, birinci turda meydana 8 legionerlə çıxan yeganə komanda kim oldu? Paytaxt təmsilçisi “Ankaragücü”. İlk baxışdan burda qeyri-adi heç nə yoxdu. Amma məsələyə xüsusi don geydirən məqam odu ki, ankaralıları özünü “zır” milətçi adlandıran Tolunay Kafkas çalışdırır. Təcrübəli mütəxəssis bir müddət öncə “TRT Spor”a açıqlamasında gündəmə düşən ifadələr işlətmişdi: “8+3” limiti federasiya başqanı Mehmet Büyükekşinin verdiyi nadir doğru qərarlardan biridi. Mən türk millətçisiyəm. Kim legionerlərin daha çox olmasını istəsə, onun qarşısına ən birinci mən çıxacam! Türkiyəli oyunçu mütləq meydanda olmalıdı”.

Gəlin etiraf edək ki, bu sözləri deyən məşqçinin komandasının 1-ci turda start heyətində ən çox legioner oynatması, yumşaq desək, qəribə görünür. Hətta 4 nəhəng, eləcə də əcnəbilərə meyl göstərməsi ilə tanınan “Adana Dəmirspor” belə meydana 7 əcnəbi ilə çıxmışdı. “Ankaragücü” ilk turda “Kasımpaşa” ilə səfər oyununu gedişində 2 topluq fərqi aradan qaldırsa da, son saniyələrdə buraxdığı qolla məğlub oldu. Yeri gəlmişkən, Kafkas həmin matçdan sonra da açıqlaması ilə diqqət çəkərək istefa verməyə hazır olduğuna işarə vurdu: