"Demək olar ki, bütün amillərdə "Sabah" bizi üstələdi. Rəqibin təzyiqinə məğlub olduq. Müdafiəçilərimizə fikirləşməyə vaxt vermirdilər. 15-20 dəqiqədən sonra oyuna qoşula bildik, amma artıq gec idi. Sabah" bu gün 3-cü, "Partizan" isə 300-cü avrokubok oyununu keçirdi. Cavanın qocaya dərs keçdiyini deyə bilərikmi? Sözsüz ki, demək olar. "Sabah" bizə dərs keçdi. Rəqib baş məşqçini təbrik etdim. Növbəti oyunda nələr olacağını görəcəyik. Bir az sakitləşib, oyunu təhlil etməliyik. Öz meydanımızda başqa oyun göstərə bilərik. Azarkeşlərimizin də dəstəyi ilə daha yaxşı oyun göstərəcəyik".

"Bugünkü oyuna görə uşaqlarla fəxr edirəm. Xarakter göstərdik, adlı-sanlı rəqibdən qorxmadıq, hücum futbolu sərgilədik. Penaltidən yararlana bilməsək də, toparlandıq və 2 qol vurduq. Şanslar bərabərdi. Addım-addım gedəcəyik. Qarşıda "Sumqayıt"la matç var. Bir həftə sonra isə Belqradda çətin oyunumuz olacaq. Oyuna gələn azarkeşlərə təşəkkür edirəm. Bu gün onların dəstəyi bizim üçün çox vacib idi. Onların sayəsində bu qələbəni qazandıq. Bu gün rəqibin güclü tərəflərini bağladıq, onlara imkan vermədik. Qələbəmizdə faktorlar çoxdu. Hər gün çalışırıq. Oyunçularımız üzərində də təzyiq var. Onlar üçün yeni təcrübədi. Bir neçə qol imkanından yararlana bilməsək də, nəticəni xeyrimizə dəyişə bildik".

"Burada kiminsə fərdi oyununu dəyərləndirmək düzgün olmazdı. Qalib gəlmişik və oyunçularımdan məmnunam". 

"Belqradda daha çətin olacaq. Azarkeşləri önündə oynayacaqlar. Möhtəşəm fanatları var. Bu gün bir az hava da bizə kömək oldu. Rəqib üçün çox çətin idi. Məni üzən hallar da var, Elvin, İrasabal zədəlidir, Mikelsin situasiyasını da bilirsiz. Müəyyən dəyişikliklər etməli olacağıq. Bu tempi saxlamağa çalışacağıq. Əlbəttə, önəmli olan strukturdur. Bunu sona kimi saxlaya bilsək, düz oynasaq çox yaxşı çıxış edəcəyik. Ötən il Kaşuk və Mikels qollar vurmuşdu, amma bu, komandanın məhsulu idi. Yusif qapıda etibarlı çıxış edir, ona da komanda yoldaşlarının köməyi var. İntizamı saxlasaq, yaxşı olacaq. Amma yenə transferlərə ehtiyacımız olacaq. "Partizan"la cavab oyununa qədər yox transfer gözlənilmir. Kimisə gətirsək belə, sifariş edə bilməyəcəyik. Komandamla fəxr edirəm. Hələ ilk oyun bitib. Qarşıda çətin cavab görüşü olacaq. İşin yarısını görmüşük. Tarixi qələbə qazandıq, amma sakit qalıb, növbəti oyunu gözləməliyik".