"Oyundan öncə "Neftçi"nin daha yaxşı oynayacağını düşünürdüm. Bunun da səbəbləri var idi Əvvəla "Jelezniçar"la oyunda "ağ-qaralar" xarakter göstərib mərhələ adlamışdı. "Beşiktaş"ın da Albaniya təmsilçisiylə görüşünə baxmışdım. Komandada boşluqlar vardı. Həmçinin güclü və titullu klublara qarşı komanda daha yaxşı motivasiyalanır. Odu ki, "qara qartallar"a qarşı “diş göstərmək” olardı. Amma matçın ilk 30 dəqiqəsi göstərdi ki, təmsilçimiz oyuna hazır deyil. Həmin vaxt fərq daha böyük ola bilərdi. Bizlər "Neftçi"nin “şinelindən çıxmışıq”, ona görə də klubun belə zəif çıxışına üzülürük. Açığını deyim ki, komandaya cəlb olunan yeni legionerlərin səviyyəsindən narazı qaldım. Onlarda bizim futbolçulardan heç bir üstünlük görmədim. Bəlkə də qarşıdakı çempionat oyunlarında onlar özlərini yaxşı tərəfdən göstərdi. Amma bu oyunda çox zəif təsir bağışladılar. "Neftçi" kimi köklü komandaya hər yoldan keçən legioneri cəlb etmək düz deyil".