“Yeni mövsüm çox çəkişməli və həyəcanlı keçəcək. Hakimlərimizin təyinat aldıqları oyunlarda ümidləri doğruldacaqlarına inanıram. Onlara güvənimiz yüksəkdi. Hər kəs bir-birinə hörmətlə yanaşmalıdı. Bizdə hakim təyinatları uzun illər müzakirə mövzusu olub. Amma bu sahəyə yeni sistem gətirdik. Ötən mövsümdən başlayaraq rəqəmsal təyinatdan yararlanmağa başladıq. Hər oyunun hakimi 41 meyara əsaslanan alqoritm sayəsində müəyyənləşir. Yeni mövsümdə artıq VAR hakimlərinin təyinatları da bu prinsiplə həyata keçiriləcək. 2023/24-dən etibarən alqoritmə komandaların statistik göstəricilərini də əlavə edəcəyik. Oyunların çətinlik dərəcəsi ortaya çıxan rəqəmlər sayəsində detallı şəkildə təqib ediləcək. Başlıca hədəflərimizdən biri hakimlərin inkişafına və yeni ədalət təmsilçilərinin yetişdirilməsinə nail olmaqdı. Hakimlərə dərs deyənləri yeniləmişik. Hətta hakimlik üçün xüsusi akademiya da qurmuşuq. Ona görə də artıq bu işlərin bəhrəsini görmək istəyirik. Biz hakimlərimizin tək Türkiyədə yox, Avropada da uğurlu olmasını istəyirik. Bunun üçün də bütün hakimlərimizə əcnəbi dillər öyrədiləcək. Onların ən kiçik səhvi belə gündəmi zəbt edir. Bu, düzgün deyil. Çünki bunun nə ölkə futboluna, nə də hakimliyimizə faydası dəyir. Əksinə, onların performansı daha da zəifləyir. Ümumiyyətlə, ədalət təmsilçiləri ictimaiyyət tərəfindən layiq olduqları hörməti görmürlər. Bu durum mütləq dəyişməlidi. Bəzi hakimlər hakim-inspektorların verdiyi qiymətlərin obyektiv olmamasından şikayətlənirlər. Buna da bir çarə tapmışıq. Bundan sonra hər oyunun minimum üç şübhəli epizodunu ümumilikdə 80 hakim-inspektor və hakimə göndərəcəyik. Hər kəs o epizodlarla bağlı fikrini bildirəcək. Cavablamaqdan boyun qaçıranlar isə cəzalanacaq! Hakimlərin qiymətlərini məhz bu şəkildə müəyyənləşdirəcəyik. Bundan sonra artıq heç bir hakim bu cür qiymətləndirməyə etiraz edə bilməyəcək”.