Konfrans Liqasının 2-ci təsnifat mərhələsinin "Neftçi" - "Jelezniçar" matçından (2:0) sonra qonaqların çalışdırıcısının mətbuat konfransı baş tutmayıb.

"Football-plus.az" xəbər verir ki, Nermin Başiç buna səbəb kimi başının ağrımasını bildirib. Əvəzində komandanın kapitanı Aleksandar Kosoriç konfransa gəlib. "Futbol+"in əməkdaşı İlkin Sultanlı ona "baş məşqçiniz bura gəlməyərək bizə hörmətsizlik etmir ki?" sualını ünvanlayıb. O, isə cavabında "istəsəz gedə bilərəm" deyib. "Futbol+"in əməkdaşı "sənə burda ehtiyac yoxdu, istəsən gedə bilərsən" deyə bildirib. Bundan sonra rəqibin kapitanı mətbuat konfransını tərk edib.