Bəhlul Mustafazadə: "Hakimlər "Rakuv"a güzəştə getdi" - AÇIQLAMA
"Qarabağ"ın bu mövsümki Çempionlar Liqası məcarası başa çatdı.
"Köhlən atlar" ilk görüşdə Polşada ( 2:3 ) məğlub olduğu "Rakuv"la Bakıda da heç-heç ( 1:1 ) edərək turnirlə vidalaşdı.
Matçın ardından Ağdam klubunun müdafiəçisi Bəhlul Mustafazadənin fikirlərini aldıq.
26 yaşlı oyunçu "Football-plus.az"a açıqlamasında oyunla bağlı bunları dedi.
"Oyun gözlədiyimiz şəkildə keçdi. Bilirdik ki, 'Rakuv" müdafiədə oturacaq. Buna görə hazırlaşmışdıq. Təəssüf ki, şanslardan yararlana bilmədik. Rəqibin qapıçısının da qurtarışları komandasına kömək oldu".
O, bu matçda hakimlərin rəqib komandaya güzəştə getdiyini söylədi:
"Hakimlərin qərarları birmənalı deyildi. Bəzi epizodlarda rəqib komandaya güzəştə gedirdi. Hətta oyunun sonuna artırılmış dəqiqələrin çox hissəsini rəqib komanda yerdə keçirdi, lakin hakim buna uyğun tədbir görmədi".
CAVİD ƏLİYEV
Digər xəbərlər
