“Sabah” – RFŞ oyununa nə qədər bilet satılıb?
"Sabah" iki gün sonra Konfrans Liqasının 2-ci təsnifat mərhələsinin cavab görüşü çərçivəsində RFŞ-ni qəbul edəcək.
"Football-plus.az" xəbər verir ki, bir neçə gündü bu görüşün biletləri satışa çıxarılıb. Bu yöndə son durum və təşkilati işlər maraq doğurur. Klubun sözçüsü Elnur Həmidovu dinləyək:
"Hazırlıq işləri yüksək səviyyədə davam edir. İndiyə qədər 3 minə yaxın bilet satılıb. Dünəndən Masazırda, oyunun keçiriləcəyi "Bank Respublika Arena"nın kassasında da bilet satışı başlayıb".
Azarkeşlərin stadiona axışacağı və güclü dəstəyin olacağı da şübhə doğurmur. Bununla bağlı isə klubun azarkeşlərlə əlaqələndiricisi Novruz Qafarovu danışdırdıq:
"Klubun azerkeş qrupu "Soldati Di Sabah" artıq 9-cu sektoru tam “zəbt edib”. Onlar bu oyuna xüsusi hazırlaşır. Ev matçlarında daim çox azarkeş yığan komanda kimi iyulun 30-dan Masazırda bilet satışı başladı. İnanıram ki, RFŞ ilə oyunda Masazır və Xırdalanda yaşayan azarkeşlərimiz Coy-Lens Mikels demişkən, "Masazırı qala edəcək".
ABDULLA İSMAYILOĞLU
Digər xəbərlər
