“Fanatlara demək istəyirəm ki, baş məşqçimiz Liam Rosenyorun istədiyi heyəti qurmaqda davam edirik. Bundan sonra daha 3-4 transferimiz olacaq. Bəzi mövqelərin hələ də güclənməyə ehtiyacı var. Bəzi oyunçular məşqçimizin planlarına daxil deyil. Bu oyunçuların öz istəkləri ilə ayrılacaqlarına ümid edirəm. Çünki Rosenyor öz fəlsəfəsinə uyğun olan və o qədər də geniş olmayan bir heyət istəyir. Kimin ayrılacağına yalnız o qərar verir. Bunun “maliyyə feyr-pley”i ilə heç bir əlaqəsi yoxdu. Darlounun keçidi nə üçün baş tutmadı? Çünki bizdən astronomik məbləğ tələb olundu. Darlou yaxşı qapıçıdı. Buna şübhə etmirəm. Amma mən həmin pula 3 yaxşı futbolçu ala bilərəm. Ona görə də bir qapıçıya görə bu qədər pul xərcləməyin məntiqsiz olduğuna qərar verdik. Həm də Rosenyor qapıçımız Mett İnqramdan razıdı. Elə qapıçılar üzrə məşqçimizlə məsləhətlişkdən sonra o da qapıçıya ehtiyac olmadığını dedi. Mətbuatda “maliyyə feyr-pleyi” ilə bağlı problemlər yaşamağımız haqda bəzi xəbərlər oxudum. Amma buununla bağlı bir problemimiz yoxdu. Benjamin Tettenin ayrılması bununla bağlı deyil. Onun burda bəzi şəxsi problemləri var idi və bu üzdən Fransaya yollanmaq istədi. Məşqçilər korpusu da ayrılmasına icazə verdi. Tettenin satışından kiçik bir gəlir əldə edəcəyik. Amma əsas məsələ bu deyil. Ayrılmaq istədiyini dedikdə biz ona problem yaratmadıq və böyük pullar tələb etmədik. Bizimlə birlikdə olmaq istəməyən futbolçu ilə yola davam etməyin heç bir mənası yoxdu! Bu, başqa oyunçulara da aiddi. Benjamini heç nədə günahlandırmıram. Həyatda belə şeylər olur. Hər kəsin öz duyğuları və özünə görə haqlı olduğu tərəflər var. Tette yaxşı insandı və mənim gözümdə hər zaman belə də qalacaq. Amma ayrılmaq istədiyini söylədiyi andan etibarən başqa seçim imkanımız qalmadı”.