Van der Sar reanimasiyadan çıxdı
“Mançester Yunayted”in sabiq qapıçısı və “Ayaks”ın sabiq baş direktoru Edvin van der Sar reanimasiyadan çıxdığını xəbər verib.
"Football-plus.az" xəbər verir ki, o, “tvitter” hesabında bunları yazıb:
“Hər şeydən əvvəl gözəl mesajlara və dəstəyə görə təşəkkür etmək istəyirik. Sevinclə bildirirəm ki, artıq intensiv terapiya bölməsində deyiləm. Ancaq hələ də xəstəxanadayam. Gələn həftə evə qayıdacağıma və sağalmaq yolunda növbəti addım atacağıma ümid edirəm”.
Xanımı ilə xəstəxanada çəkdirdiyi şəkli də paylaşan 52 yaşlı niderlandlı iyulun 7-də - Xorvatiyada olarkən beyninə qan sızdığına görə xəstəxanaya aparılmışdı. İyulun 15-də onun Niderlanda köçürüldüyü bildirildi. Mütəxəssisin mayda “Ayaks”ın baş direktor postunu tərk etdiyini də xatırladaq.
Digər xəbərlər
