“Məncə, hakim qırmızı vərəqəlik epizodu bir qədər şişirtdi. Şiddətli müdaxilə olsaydı, onun qərarını anlayardım. Amma epizodu sarı vərəqə ilə ötüşdürüb oyunun axarına təsir göstərməyə də bilərdi. Nəticə etibarilə bu bir hazırlıq matçıdı. Amma ilk yarıda yaxşı təsir bağışladıq. Həyatımın ən əyləncəli və maraqlı mövsümöncəsi toplanışını yaşayıram. Çox çalışırıq. Luiş Kaştronun təyinatından və komanda yoldaşlarımdan razıyam. Yeni transferlər davam edəcək. Heyətimiz bir qədər də güclənəcək. Bundan sonra Avropa futboluna qayıtmayacam. Artıq qapılar bağlıdı. 38 yaşım var. Həm də Avropa futbolunun səviyyəsi aşağı düşüb. Yeganə ciddi maraq doğuran turnir premyer-liqadı. İngiltərə çempionatı başqa liqaları çox üstələyir. Səudiyyə Ərəbistanı çempionatı ABŞ-dakı MLS liqasından daha güclüdü! Artıq bütün güclü oyunçular bura gəlir. Bir ildən sonra burda top-futbolçuların sayı daha da artacaq. Futbol dünyasının Səudiyyə Ərəbistanı liqasına yolunu mən açdım. İndi futbolçular bura gəlməyə üstünlük verir. Bilirdim ki, bura gəlişimlə buranın futboluna maraq artacaq. Amma mən bunun gəlişimdən təxminən bir il sonra baş verəcəyini düşünürdüm. 6 ay yanılmışam. Çünki gəlişimdən 6 ay sonra futbolçular bura axın etməyə başladı.

Vaxtilə İtaliya çempionatı da “ölü” idi. Mənim ora yollanmağımla İtaliya futbolu canlandı. Kriştiano hara gedirsə, ora maraq yaranır. Qarşıdakı mövsümdə Səudiyyə Ərəbistanı çempionatında rəqabət inanılmaz səviyyədə olacaq. Əvvəlki açıqlamalarımda deyirdim ki, bu liqa təxminən 3 ilə güclənməyə başlayacaq. Amma bu templə Səudiyyə Ərəbistanı çempionatı səviyyəsinə görə bir neçə aydan sonra Niderland və Türkiyə çempionatlarını geridə qoyacaq. UEFA prezidenti bura yalnız yaşlı oyunçuların gəldiyini söyləmişdi. Amma Jota və Ruben Neveş yaşlı oyunçular deyil. Onlar da bura gəlməyə üstünlük veriblər. Yığma karyeramı isə bitirməyə hazırlaşmıram. Hələ də nəyisə sübut etməli olduğumu düşünürəm. Sənin heç nəyi sübut etməyə ehjtiyacın yoxdusa, deməli, daxilən ölmüsən! Sübut edə bilərəm ki, 38 yaşda yığma səviyyəsində uğurlu oynamaq mümkündü. AÇ-2024-ün həm seçmə mərhələsində, həm də final mərhələsində oynamaq, qollarımla, ötürmələrimlə Portuqaliyaya yardım etmək istəyirəm. Hələ də futboldan böyük zövq alıram və özümü yığma üçün faydalı oyunçu sayıram”.