Misli premyer-liqasının 2022/23 mövsümünün qalibi "Qarabağ"ı daha bir futbolçu tərk edir.

"Football-plus.az" xəbər verir ki, söhbət Musa Qurbanlıdan gedir. 21 yaşlı forvard təlim-məşq toplanışını Ağdam təmsilçisinin heyətində keçirəcək. Lakin millimizin üzvü ilə Avropa klubları yaxından maraqlanır.

Bu, Avstriya "Zaltsburq"u deyil. Musa ilə maraqlanan klublar Avropanın qərb hissəsində yerləşən ölkələrin təmsilçiləridi. Maraq üçün qeyd edək ki, hücumçu ilə Rusiya, Türkiyə, Xorvatiya, Polşa klubları da təmasa keçib. Lakin futbolçu daha güclü liqalarda top qovmaq arzusunda olduğundan təkliflərdən imtina edilib.

Qeyd edək ki, Musa Qurbanlı bu mövsüm "Qarabağ"ın heyətində 38 oyunda 23 qol vurub, 7 məhsuldar ötürmə edib.

İLKİN SULTANLI