"Zahidin debütü haqda daha detallı bilgini baş məşqçiləri deyə bilər. Hər halda, məsləhət bilib ona şans verən onlardı. Mən kənardan bir məşqçi, azarkeş kimi fikrimi deyə bilərəm. Ümumilikdə pis oynamadı. Amma xırda səhvləri də gözdən qaçmadı. Hələ üzərində çox çalışmalı, “artırmalıdı”. Tək Zahid yox, "Şamaxı"da olan bütün gənc futbolçular çox işləməlidi. Çünki onlar üçün komandada debüt etmək, daha da inkişafa nail olmaq üçün şərait var. Bundan maksimum istifadə etməlidilər. Oğlumla yanaşı, "Şamaxı"nın bütün futbolçularına, əsasən də gənclərə uğurlar arzulayıram. Allah onların hər birinə güc versin”.