"Hər bir gənc futbolçu əvəzedici heyətdə oynmaqla əsas komandaya can atmaq və daha güclü klublarda çıxış etmək arzusu ilə yaşayır. Oğlum Zahid də "Kəpəz"in əsas komandasında çıxış etməyi çox istəyirdi, lakin ona şans verilmədi, bacarığı qiymətləndirilmədi. Belə olan halda "Şamaxı"nın əsas komandasından dəvət gəldi. Zahid də təklifi müsbət dəyərləndirdi".

"Hər bir baş məşqçinin futbola və oyunçulara fərqli baxış bucağı var. Tərlan Əhmədovun oyun fəlsəfəsi, futbolçuları qiymətləndirməsi, taktiki-texniki yanaşması fərqlidi. Görünür, Zahid onun sisteminə uyğun gəlməyib. Oğlum olduğu üçün demirəm. Amma bir obyektiv məşqçi kimi yanaşsaq, Zahid üzərində çox çalışan, perspektivli oyunçudu, meydanda can qoyan biridi. Düşünürəm ki, ona az da olsa, şans verilməliydi. Amma nə edək, "hər işdə xeyir var" deyirlər. Allah Zahidin "Şamaxı"ya keçidini xeyirli, işini avand eləsin. İnanıram ki, o yeni klubunda şans qazanmaqla özünü yaxşı tərəfdən göstərəcək".