"Bildiyiniz kimi, ötən ayın 30-dan toplanışa start vermişik. Hazırlıq prosesi iki mərhədən ibarətdi. İlk mərhələni Bakıda, növbəti mərhələni isə Türkiyədə keçirəcəyik. Söz yox, istirahətdən gələn futbolçuların idman forması heç də ürəkaçan deyil. Hazırda əsas işimiz onları yaxşı formaya salmaqdı. İyulun 12-də "Araz Naxçıvan"la ilk yoxlama görüşü keçirəcəyik. Həmin matçda çatışmazlıqları görəcəyik. Türkiyədə isə 4 yoldaşlıq görüşü keçirməyi planlaşdırırıq. Qardaş ölkədə oyun praktikasını tam bərpa etməyə çalışacağıq. Ümumilikdə məşqlər yaxşı əhval-ruhiyyədə keçir. Hiss olunur ki, uşaqlar futbol üçün darıxıb. Ona görə də çox həvəslidilər, özlərini yaxşı tərəfdən göstərməyə çalışırlar. Düzdü, komandanı tərk edən futbolçular da oldu. Bu da futbolun reallıqlarındandı. Gedənlərin yerini doldurmağa çalışırıq. Yeni transferlərimizdən Aydın Bayramov, Fərid Nəbiyev, Sərtan Taşkın, Martin Detelinov Petkov, Bruno Qonçalves, Paçu Lira, Otto Conun özlərini yaxşı tərəfdən göstərəcəklərinə inanıram. Yaxın günlərdə legionerlərimiz də bizə qoşulacaq. Komandada sağlam və ciddi rəqabət formalaşdırmaq istəyirik. Bu gələcək uğurlarımız üçün əsas məqsədlərdəndi. Hazırda orta sahə üçün daha bir transfer etmək istəyirik. Qarşıdakı günlərdə yeni oyunçunun gəlişi gözlənilir. Hələ ki istədiyim plan üzrə gedirik".