“Lester”lə müqavilə müddəti başa çatan və sərbəst oyunçuya çevrilən Türkiyə yığmasının üzvü Çağlar Söyüncünün yeni klubunun adına aydınlıq gəlib.

"Football-plus.az" xəbər verir ki, tanınmış müdafiəçi srağagün Madridə ayaq basıb. 27 yaşlı futbolçunun “Atletiko” ilə dördillik müqavilə imzalayacağı gözlənilir. Çağları Madridin “Adolfo Suares Baraxas” Beynəlxalq Hava Limanında bir qrup türkiyəli və ispaniyalı jurnalist qarşılayıb. Burda qısa açıqlama verən futbolçu bunları deyib:

Çağların tibbi müayinədən keçəndən sonra rəsmi müqaviləyə imza atacağı və bu gün “Atletiko”nun yeni oyunçusu kimi ictimaiyyətə təqim olunacağı gözlənilir. Çağlar Söyüncü bununla da “Atletiko”nun şərəfini qorumuş 3-cü türkiyəli futbolçu kimi tarixə düşəcək. Daha öncə “hindular”da türkiyəli oyunçulardan Arda Turan və Əmrə Belözoğlu forma geyib. Arda 2011-15-ci illərdə bu klubun şərəfini qoruyaraq böyük uğurlara nail olmuş, daha sonra “Barselona”ya transfer olunmuşdu. Əmrə isə 2012/13-ün ilk dövrəsində olmaqla cəmi 6 ay Madrid klubunda çıxış edib.

Qeyd edək ki, “Altınordu”nun yetirməsi olan və peşəkar karyerasına burda start verən Çağlar 2 illik (2016-18) “Frayburq” macərasından sonra İngiltərəyə yollanmışdı. O, 2018-də 21 milyon avroya “Lester”ə transfer olunmuşdu. 2019/20-nin yekunlarına əsasən o, premyer-liqada mövsümün rəmzi komandasına düşmüşdü. Ötən mövsüm onun və komandası üçün uğurlu alınmadı. “Lester”lə müqaviləni yeniləməkdən boyun qaçırdığı üçün baş məşqçi Brendan Rocers onu bilərəkdən ehtiyatda “çürütdü”. Bu üzdən Söyüncü mövsüm ərzində cəmi 9 rəsmi oyuna çıxa bildi. Rocers mövsüm başa çatmamış qovuldusa, 2015/16-da premyer-liqanın çempionu olmuş “Lester” elita ilə vidalaşmalı oldu. Çağlar 5 illik İngiltərə macərası ərzində “Lester”də 132 rəsmi oyuna çıxaraq 4 qol vurdu.