İlkin Qırtımov: "Hər şey qaydasındadı" - AÇIQLAMA
Ölkəmizi Konfrans Liqasında təmsil edəcək komandalardan biri də "Qəbələ"di.
Güclü maliyyəsi və geniş heyəti olmayan komanda avrokubokda mərhələ keçə biləcəkmi?
"Football-plus.az" saytı olaraq bölgə təmsilçisinin yeni transferi, millimizin sabiq üzvü İlkin Qırtımovun fikirlərini öyrəndik:"Bir həftədən çoxdu təlim-məşq toplanışına başlamışıq. Hər şey qaydasındadı. Məşqlərdə yüksək əhval-ruhiyyə ilə çalışırıq. Klub rəsmilərindən tutmuş ən sonuncu işçiyə kimi hamı avrokuboklarda mərhələ keçəcəyimizə inanır. Ümidləri doğrultmaq üçün "Fehervar"la matçlarda bütün gücümüzlə döyüşəcəyik. Ki, sonda sevinən tərəf olaq. Konfrans Liqasında maksimum irəli getmək istəyirik".
Təcrübəli müdafiəçi "Şamaxı"da komanda yoldaşı olan Felipe Santosun "Qəbələ"yə keçidindən də danışdı:"Santosla "Şamaxı"da birgə çıxış etmişik. O, həm insan, həm də futbolçu kimi yaxşı yoldaşdı. Onunla yenidən bir forma altında çıxış edəcəyimə sevinirəm. Santosda hücumçuya xas olan keyfiyyətlər var. Düşünürəm ki, hücumda da, komanda oyununda da "Qəbələ"nin aparıcı oyunçusuna çevriləcək. İnşallah, hər ikimizin burda oyunu yaxşı alınar".
ABDULLA İSMAYILOĞLU
Digər xəbərlər
