“Hələ də məğlub olmamağımız xoşagələn haldı. Hər oyundan sonra futbolçuların çıxışını təhlil edirik. Zamanla daha güclü oyunçulara üstünlük verməyə çalışırıq.

Mübarizə də çətinləşir. Qarşıda bizi gözləyən oyunlar var. Özümüzü yaxşı tərəfdən göstərməliyik. Komandanı izləməyə çoxsaylı azarkeşlər gəlir. Onları məyus etmək istəmirik.

Rəqiblər də çox güclüdü. Nə yaxşı ki, Azərbaycana belə bacarıqlı, təcrübəli futbolçular gəlir. Bu, yerli uşaqlar üçün böyük şansdı. Təcrübə və motivasiya cəhətdən yeni şeylər öyrənirlər.

Əsas məqsədim millini dünya miqyasında sayılıb-seçilən rəqib kimi tanıtmaqdı. Bu istiqamətdə işləyirik. Özümüzə məxsus dəst-xəttimiz var. Digər komandaların bizim kimi fərqli oyun tərzinə malik olmadığı aydın görünür. Daha sürətliyik. Qısa zamanda rəqib üzərində təzyiq yaratmağı bacarırıq. Uşaqlar fəal və istəklidi. Heyətin gələcəyi üçün düzgün seçim etdiyimizi düşünürəm. Buna baxmayaraq, iş dayanmayıb. Oyun sisteminə uyğunlaşanlarla yolumuza davam edəcəyik”.