Bu gün ölkə kubokunun yarımfinal mərhələsinin növbəti oyunu keçirilib.

"Football-plus.az" xəbər verir ki, "Turan Tovuz" "Neftçi"ni qəbul edib. Matç "Turan Tovuz"un 1:0 hesablı qələbəsi ilə başa çatıb.

Azərbaycan kuboku
yarımfinal, ilk oyunlar

19 aprel

12. Turan Tovuz – Neftçi 1:0
Denis Marandiçi, 74
Hakimlər: RƏŞAD ƏHMƏDOV, Müslüm Əliyev, Vüsal Məmmədov, Tural Qurbanov.
Hakim-inspektor: Ömər Paşayev.
AFFA nümayəndəsi: Erkin Hüseynov.
Tovuz. Şəhər stadionu. Saat 16.00

“Turan Tovuz”da işlər qaydasında deyil. Komanda premyer-liqada son 7 oyunda qələbəyə həsrətdi. Azarkeşlər də Ayxan Abbasovdan narazıdı. “Neftçi”də də işlər qaydasında getmir. Son turda “Qəbələ”yə uduzan bakılıların əsas hədəfi kubokdu. Regekampf mütləq şəkildə bu vəzifənin öhdəsindən gəlməlidi. Sözsüz, flaqman favoritdi. Lakin “Turan Tovuz” da premyer-liqaya vəsiqə qazandığı ilk ildə kubokun finalında oynamağa çalışacaq.

18 aprel

11. Qəbələ - Səbail 3:2
Rafael Utziq, 34, 66, Felipe Santos, 74 - İlkin Muradov, 9, Emil Martinov, 21
Hakimlər: ELÇİN MƏSİYEV, Pərvin Talıbov, Kamran Bayramov, Fərid Hacıyev.
Hakim-inspektor: Orxan Məmmədov.
AFFA nümayəndəsi: Emin Cəfərov.
Qəbələ. Şəhər stadionu. Saat 18.00

Hər iki komanda fərqli ümidlərlə yaşayır. “Qəbələ” kubokun sahibi kimi Azərbaycanı Avropada təmsil edəcək 4-cü klub olmaq niyyətindədi. Bu səbəbdən də iki cəbhədə mübarizəni davam etdirir. “Səbail” isə gələn mövsüm də premyer-liqada çıxış etmək istəyir. “Dənizçilər” hazırda çempionatda sonuncudu. Şahin Diniyevin komandası kubokun finalına vəsiqə qazanmağı çıxış yolu kimi görür. İndiki məqamda gücləri nəzərə alsaq, favorit “Qəbələ”di. Lakin “Səbail”in ilk görüşdə qələbə qazanması da sensasiya sayılmayacaq.

Ümumiyyətlə, bu komandalar Azərbaycan kubokunda 2017/18 mövsümünün 1/4 finalında üz-üzə gəlib. Hər iki görüşdə “radarlar” qələbə qazanıb – 1:0, 4:2.