''Kayserispor''dan ''Fənərbaxça''ya sərt cavab - FOTO
Dünən Türkiyə çempionatının 29-cu turunda lider ''Qalatasaray'' ''Kayserispor''u 6:0 hesabı ilə darmadağın etdi.
"Football-plus.az" xəbər verir ki, oyundan öncə diqqətçəkən hadisə yaşandı.
Kayserililərin oyundan bir gün öncə İstanbula gəldikdən sonra ''Cim-Bom''un prezidenti Dursun Özbəkə məxsus ''Point Otel''də gecələməsi ''Fənərbaxça'' tərəfindən birmənalı qarşılanmadı.
''Fənər''in rəsmi ''tvitter'' səhifəsində otelin qarşısındakı ''Kayserispor''un avtobusunun şəkili paylaşılaraq futbol ictimaiyyətinə bu cür suallar verildi:
''Bu məlumat nə dərəcədə doğrudu? Doğrudusa, etik baxımdan nə dərəcədə düzgündü? Bu gündəmlə bu matçın dəyərləndirilməsini necə verəcəyik?''
''Kayserispor'' başqanı Əli Çamlı isə ''Fənər''in bu iddialarına olduqca sərt şəkildə cavab verdi:
''Mən əsəbləşsəm, çox ağır danışacam. Dursun Özbəkin otelində qalırıq deyə oyunu satacaq qədər aşağı səviyyəli insanlar deyilik! Bunu söyləyənlər, dilinə gətirənlər utansın. Ancaq öz beynində bu cür şeylər olanlar bunu düşünə bilər. Biz həyatımızı şərəfi və namusu ilə yaşayan insanlarıq. Bizi bir otel qarşılığında oyunu satmaqda günahlandırmaq çox əxlaqsız bir davranışdı. Bu iddiaları eşidən kimi əsəbdən özümə yer tapa bilmədim. ''Kayserispor'' camiəsi və meydanda tər tökən futbolçularımız bu cür düşüncə içində olanlardan daha namuslu və şərəflidi. Bütün Türkiyə bundan əmin ola bilər''.
Digər xəbərlər
