"Matça yaxşı başladıq. İlk dəqiqələrdən rəqibin qapısı önündə qol imkanları yaratdıq. Sevindiri haldı ki, ilk 15 dəqiqədə gəncəliləri məyus etməklə hesabı açdıq. Qolumuzu Ülvi İbadov vurdu. Təəssüflər olsun ki, ilk yarıda əlimizə düşən digər fürsətləri qola çevirə bilmədik. Fasiləyə üstün yollandıq. Amma 2-ci hissədə heyətə dəyişikliklər etdim. Oyun gedişində ilk "11-liy"i dəyişdim. Bu da komandada vahid sistemi, xətlər arası əlaqəni pozdu. Bundan istifadə edən rəqib 70-ci dəqiqələrdə təzyiqini bir qədər də artırdı. Oyunun sonuna 15 dəqiqə qalmış qapımızda qol gördük. Ümumi götürsək ilk yoxlama matçımızdı, nəticədən çox yeni futbolçuları sınamaq, gələcək heyətimiz formalaşdırmağı düşündüyümüzdən oyundan razı qaldım".

"Araz Naxçıvan" da oynayan əslən Qusardan olan Elvin Dəmirovla demək olar razılığa gəlmişik. Futbolçu bugünkü oyuna da gəlməliydi. Sadəcə Qusardakı ağır hava şəraiti, yolların iflic vəziyyətdə olması onun gəlməsinə mane oldu. Amma yaxın günlərdə o da toplanışa qatılacaq".