Ötən ay Ukraynanın DÇ-2030-un təşkilatçılığına iddiadan geri çəkildiyi açıqlanmışdı. Bu məsələyə martın 14-də aydınlıq gətirilmişdi. Lakin Ukrayna 7 ildən sonrakı mundiala evsahibliyi edə bilər.

“Football-plus.az” xəbər verir ki, Ukraynanın DÇ-2030-a evsahibliyi etmək hüququnu itirdiyini Afrika Futbol Konfederasiyasının idarə heyətinin iclasında Mərakeşin idman naziri Çakib Benmussa bəyan etmişdi. Ölkədə Rusiya ilə müharibə davam etdiyindən Ukraynanın 7 ildən sonra belə dünya çempionatının oyunlarını təşkil edə biləcəyi ehtimalı minimuma enmişdi. Son vaxtlar Ukrayna Futbol Assosiasiyasının (UFA) rəhbərliyində bu baxımdan qeyri-müəyyənlik hökm sürürdü. Müharibədən başqa problem də var idi. UFA-nın prezidenti Andrey Pavelko ötən ilin noyabrda vəsaitlərin mənimsənilməsində şübhəli bilinərək həbs edilmişdi. Bu ilin fevralında məhkəmə onu bir ay müddətinə vəzifəsindən kənarlaşdırmışdı. Xatırladaq ki, Ukraynanın DÇ-2030-a evsahibliyi üçün namizədliyi 2022-ci il oktyabrın 5-də İspaniya və Portuqaliyanın futbol qurumları tərəfindən irəli sürülmüşdü. Lakin məlum səbəblərdən bu ölkəni şərikli layihədə Mərakeşin əvəzləyəcəyini əksər mənbələr də xəbər vermişdi.

Martda Mərakeşin də namizədlik üçün müraciət etdiyi məlum olmuşdu. Afrika ölkəsi şərikli layihədə Ukraynanı əvəz etməliydi. Lakin Portuqaliyanın baş naziri Antonio Koşta UEFA-nın aprelin 15-də Lissabonda keçirilən Konqresində Ukraynanın turnirin təşkilində iştirakının hələ də planlara daxil olduğunu bildirib: