Joze Mourinyo “Roma”nın İtaliya çempionatının yeni mövsümünə qələbə ilə başlamasına çox sevinib. Onun komandası ilk turun “Salernitana” ilə səfər oyununda minimal hesabla qalib gəlib.

Baş məşqçi qazandıqları qələbəyə görə futbolçulara və komandanın bütün heyətinə orijinal şəkildə təşəkkür edib. “Corriere dello Sport”un xəbərinə görə, portuqaliyalı mütəxəssis komanda üçün 60 pitsa və sərinləşdirici içki alıb.
Yeri gəlmişkən, “Roma” ötən mövsüm də “Salernitana”nı səfərdə məğlub etmişdi. 59 yaşlı məşqçi 4:0 hesablı qələbədən sonra pitsa yeməsi ilə diqqəti cəlb etmişdi.