- İdman prinsiplərinə uyğun addım atılacaq ki, heç kim buna görə mübahisə etməyəcək. Sadəcə, premyer-liqanı tərk edəcək komandaya görə bütün Azərbaycan heyfsilənəcək. Öz adımızdan danışım. Sumqayıt kimi böyük şəhərin böyük futboldan uzaq düşməsi heç də yaxşı olmayacaq. Ən pisi odu ki, heç kim növbəti mövsüm divizionun qalibinin yenidən elitaya dönəcəyinə zəmanət vermir. Bölgə təmsilçilərinin premyer-liqanı tərk etməsi, həmin bölgədə futbolun ölümünə fərman verməyə bənzəyir. Elitada komanda sayını artırmaq daha yaxşıdı, nəinki kimisə aşağı salmaq. Dağıtmağa nə var ki?

Elitanı tərk edəcək komandanın azarkeşləri üzüləcək, sponsorlar kənara çəkiləcək. Biz özünəməxsus qaydaları olan futbol ölkəsində yaşayırıq. Bu vaxta kimi niyə bu məsələ aktual deyildi? Bu günə kimi heç bir klub elitanı tərk etməmişdi ki, heç kim də heç nə demirdi. İndə nə dəyişdi?

Cari mövsümdə Gəncəyə, Tovuza böyük futbol qayıdıb. Nəyi pisdi? Bölgə oyunlarında dolu tribunalar görürük ki, buna da sevinirik. Fikrimcə, kimisə elitadan aşağı salmaq məntiqsiz addımdı.

- Bu qərarı verənlər bizim kimi klubları düşünmürlər. Diviziona düşsək, bu komandanı saxlamaq qeyri-mümkün olacaq. Hazırda çempionatda elitada qalmaq uğrunda mübarizə aparsaq da, sponsorlarımız var. Aaşağı yuvarlanacağımız halda onların kluba bu günkü kimi maliyyə ayıracağına kim zəmanət verə bilər?

- Yenə deyirəm, biz öz qayadaları olan futbol ölkəsiyik. Nə idman prinsipi? Komanda sayını artıraq. Bundan yaxşı idman prinsipi ola bilməz. İdman prinsipini qorumaq üçün bizdə hər bir məsələ relsdə olmalıdı. İngiltərədə birinci dəstəyə yuvarlanan komandaya federasiya tərəfindən səhv etmirəmsə, 24 milyon funt vəsait ayrılır. Teleyayından gələn gəlir hələ demirəm. Bizdə aşağı diviziona düşən komanda demək olar hər şeyini itirəcək. Bizdə aşağı dəstəyə düşənə nə güzəşt olunur? Həmin klub rəsmən ölür.

- Onsuzda üzərimizdə təzyiq var. Biz ümumiyyətlə, sonuncu olmaq istəmirik. Qərardan asılı olmayaraq məsuliyyəti başa düşürük. Nə mən, nə də futbolçularım 10-cü pillədə olmaq istəmir.

Məncə, məlum açıqlamadan sonra qarşıdakı turlar daha gərgin məcrada keçəcək. Ancaq yenə deyirəm, azarkeşlərə görə məyus olursan. Bu gün Gəncənin dağılıb-tökülən stadionuna bu qədər azarkeş gəlirsə, buna görə sevinmək lazımdı, daha onları küsdürmək yox. Bu o demək deyil ki, mən “Kəpəz”in elitanı tərk edəcəyini düşünürəm. Sadəcə, onlardan yaxşısı elitaya gəlməyəcək.